Mmoledi 1:1-18
1 Mantšu a mokgoboketši, morwa wa Dafida kgoši ya Jerusalema.
2 Mokgoboketši o re: “Lefeela la mafeela!Lefeela la mafeela! Tšohle ke lefeela!”
3 Motho o boelwa ke’ng mošomong o thataWo a o dirago ka tlase ga letšatši?
4 Moloko o a tloga gomme gwa tla o mongwe,Eupša lefase le dula le le gona go ya go ile.
5 Letšatši le a hlaba la ba la sobela,Ke moka la kitimela moo le hlabago gona gape.
6 Phefo e tloga borwa gomme ya fokela leboa.E tšwela pele e dikologa gohle e bile ga e kgaotše go foka.
7 Dinokana ka moka di iša meetse lewatleng, eupša lewatle ga le tlale.
Moo dinokana di elelago di etšwa gona, di boela gona gore di tle di buše di ele.
8 Dilo ka moka di a lapišaE bile ga go na yo a ka kgonago go di hlalosa.
Leihlo ga le kgotsofatšwe ke go bona,Le tsebe ga e kgotsofatšwe ke go kwa.
9 Dilo tšeo di kilego tša ba gona di tla buša tša ba gona,Tšeo di dirilwego di tla buša tša dirwa.Ga go na selo se seswa mo lefaseng.*
10 Na go na le selo seo motho a ka bolelago ka sona a re: “Bona selo se, ke se seswa”?
Sona seo se šetše se kile sa ba gona kgalekgale.Seo se lego gona se kile sa ba gona pele re ka belegwa.
11 Ga go na yo a gopolago batho ba nakong e fetilego,E bile ga go na yo a tlago go gopola bao ba tlago ka morago.Le bao ba tlago ka morago ga bona, ba ka se ba gopole.
12 Nna mokgoboketši, ke be ke le kgoši ya Isiraele motseng wa Jerusalema.
13 Ke ile ka ikemišetša go diriša bohlale gore ke ithute le go nyakišiša dilo ka moka tšeo di diregago ka tlase ga magodimo, e lego mešomo yeo Modimo a e filego batho gore ba dule ba e dira.
14 Ke bone mediro ka moka yeo e bego e dirwa ka tlase ga letšatši,Gomme ka bona tšohle e le lefeela le go kitimiša phefo.
15 Tšeo di kgopamego di ka se lokišweGomme tšeo di sego gona di ka se balwe.
16 Ke moka ka ipotša ka re: “Ke hlalefile kudu go feta batho ka moka bao ba kilego ba phela pele ga ka motseng wa Jerusalema, e bile ke ithutile dilo tše dintšhi tša bohlale le tsebo.”
17 Ke ile ka katanela go tseba bohlale le botlaela bja mafelelo, ka tseba le bošilo gomme ka hwetša gore tše le tšona ke go kitimiša phefo.
18 Ka gobane ge motho a oketša bohlale, o oketša le mathata.Yo a oketšago tsebo, o oketša le bohloko.
Mengwalo ya tlase
^ Phetolelo ya lentšu ka lentšu e re, “ka tlase ga letšatši.”
