Bafsa ba a Botšiša

Nka Boledišana le Batswadi Ba-ka Bjang?

“Ke lekile ka thata e le ruri go botša batswadi ba-ka kamoo ke ikwago ka gona, eupša mafelelo ga se ya ba a mabotse—gomme ba ile ba ntsena ganong. Ke dirile maiteko a magolo a go rapa sebete sa go hlalosa kamoo ke ikwago ka gona gomme ke ile ka palelwa!”—Rosa. *

GE O be o sa le yo monyenyane, batswadi ba gago e be e le batho ba pele bao o bego o kitimela go bona bakeng sa go hwetša keletšo. O be o ba botša ditaba le ge e le dife, tše dikgolo le tše dinyenyane. O be o bolela dikgopolo tša gago le maikwelo ka bolokologi e bile o be o bota keletšo ya bona.

Lega go le bjalo, ga bjale o ka no ikwa eka batswadi ba gago ga ba sa go kwešiša. Ngwanenyana yo a bitšwago Edie o re: “Letšatši le lengwe ka nako ya dijo ke ile ka thoma go lla gomme ka tšholla sa mafahleng a-ka. Batswadi ba-ka ba ile ba theetša, eupša ba be ba bonagala ba sa kwešiše.” Ka mafelelo afe? “Ke ile ka fo ya ka phaphošing ya-ka ya go robala gomme ka lla gape!”

Ka lehlakoreng le lengwe, ka dinako tše dingwe o ka no bona go le kaone gore o se ke wa boledišana le batswadi ba gago. Mošemane yo a bitšwago Christopher o re: “Ke bolela le batswadi ba-ka ka ditaba tše dintši. Eupša ke kgahlwa ke gore ka dinako tše dingwe ga ba tsebe tšohle tšeo ke di naganago.”

Na go se bolele ka tše dingwe tša dilo ke phošo? Ga se gore go bjalo—ge feela o se na bohlola goba boradia. (Diema 3:32) Lega go le bjalo, go sa šetšwe gore batswadi ba gago ba bonagala ba sa go kwešiše goba gore ga o boledišane le bona, taba ke gore: O swanetše go bolela le batswadi ba gago—le bona ba swanetše go go theetša.

Tšwela Pele o Bolela!

Ka ditsela tše dingwe, go boledišana le batswadi ba gago go swana le go otlela koloi. Ge o hwetša lepheko tseleng,  ga o bee fase; o fo sepela ka tsela e nngwe. Ela hloko mehlala e mengwe.

Lepheko #1: O nyaka go bolela, eupša batswadi ba gago ga ba bonagale ba theeditše. Ngwanenyana yo a bitšwago Leah o re: “Ke thatafalelwa ke go boledišana le tate. Ka dinako tše dingwe ke tla bolela le yena nako e telele ke moka a re go nna, ‘Tshwarelo, na o be o bolela le nna?’”

POTŠIŠO: Go thwe’ng ge e ba Leah a be a tloga a nyaka go bolela ka bothata bjo itšego? Bonyenyane o na le dikgetho tše tharo.

Kgetho A Kgetho B Kgetho C

A bolele le A kgaotše go bolela A letele nako e

tatagwe a hlabošitše le tatagwe. Leah kaone gomme a bolele

lentšu. Leah a ka a ka fo tlogela go taba yeo gape. Leah

goeletša ka gore: hlwa a bolela mathata a ka bolela le tatagwe

“O hloma bjang, a gagwe le ka go lebanya, goba a

taba ye e bohlokwa! batswadi ba gagwe. ka mo ngwalela

Ntheetše!” lengwalo mabapi le

bothata bja gagwe.

O nagana gore Leah o swanetše go tšea kgetho efe? ․․․․․

A re hlahlobeng kgetho e nngwe le e nngwe gomme re bone gore e lebiša kae. Tatago Leah o na le ditšhitišo—gomme ka go rialo ga a lemoge kgakanego ya Leah. Ka gona ge Leah a ka kgetha Kgetho A, a ka no se kwešiše lebaka leo Leah a bolelago le yena a hlabošitše lentšu. Kgetho ye ruri e ka se dire gore tatago Leah a amogele mantšu a gagwe e bile e ka se bontšhe gore o hlompha batswadi ba gagwe le go ba godiša. (Baefeso 6:2) Ka gona, kgetho ye e ka se be le mafelelo ao a letetšwego.

Mola Kgetho B e le bonolo kudu go e tšea, ga se e bohlale. Ka baka la’ng? Ka gobane “maanô a padile, xò se keletšanô; a tlo kxônêxa xe baeletši ba ka ata.” (Diema 15:22) Gore a swaragane ka katlego le bothata bja gagwe, Leah o swanetše go bolela le batswadi ba gagwe—gore ba mo thuše, ba swanetše go tseba seo se diregago bophelong bja gagwe. Go kgaotša go bolela ga go hole selo.

Lega bo le bjalo, Kgetho C, ke gore Leah ga a dumelele lepheko le ge e le lefe le mo thibela. Go e na le moo, o leka go bolela ka taba yeo ka nako e nngwe. Le gona ge e ba a kgetha go ngwalela tatagwe lengwalo, Leah a ka ikwa bokaone ka yona nako yeo. Go ngwala lengwalo gape go ka mo thuša go bea gabotse seo a nyakago go se bolela ge tatagwe a theeditše. Ge a bala lengwalo leo, tatago Leah o tla kwa seo a bego a leka go se bolela, e lego seo se ka mo thušago go kwešiša sello sa gagwe gakaone. Ka go rialo Kgetho C e hola bobedi Leah le tatagwe.

Ke dikgetho dife tše dingwe tšeo Leah a ka bago le tšona? Bona ge e ba o ka nagana ka e nngwe ya tšona gomme o e ngwale ka mo tlase. Ke moka o ngwale mafelelo ao phetho yeo e ka bago le ona.

․․․․․

Lepheko #2: Batswadi ba gago ba nyaka go bolela, eupša ga o nyake. Ngwanenyana yo a bitšwago Sarah o re: “Ga go selo seo se tenago go swana le go hlabja ka dipotšišo gatee-tee ka morago ga go ba le letšatši le sa kgahlišego sekolong. Ke nyaka go lebala ka tša sekolong, eupša gatee-tee batswadi ba-ka ba thoma go botšiša gore: ‘O hlwele bjang? Na go bile le mathata le ge e le afe?’” Ka ntle le pelaelo, batswadi ba Sarah ba botšiša dipotšišo tše bjalo ka maikemišetšo a mabotse. Lega go le bjalo, o lla ka gore, “Go thata go bolela ka tša sekolong mola ke lapile e bile ke gateletšegile.”

POTŠIŠO: Sarah a ka dira’ng boemong bjo? Go swana le mohlaleng o fetilego, o na le dikgetho tše tharo.

Kgetho A Kgetho B Kgetho C

A ka gana go A ka tšwela pele A ka šuthiša go

bolela. A ka re: a bolela. Go sa bolela ka tša

“Ntlogeleng. Ga ke šetšwe go ikwa ga sekolong eupša a

nyake go bolela gagwe a gateletšegile, tšwetša pele poledišano

gona bjale!” Sarah a ka araba ka go bolela ka taba

dipotšišo tša batswadi e nngwe. Sarah a ka

ba gagwe le ge a sa rate. šišinya gore ba tle

ba bolele ka tša sekolong

ka nako e nngwe, ge boemo

bja gagwe bja kgopolo bo

le kaone. Ke moka a bolela,

ka kgahlego e kgolo, gore:

“Lena le hlwele bjang. Dilo

di le sepeletše bjang?”

O nagana gore Sarah o swanetše go tšea kgetho efe? ․․․․․

 Gape, a re hlahlobeng kgetho e nngwe le e nngwe go bona gore e ka ba le mafelelo afe.

Pele a tšea Kgetho A, Sarah o ikwa a gateletšegile e bile a sa nyake go bolela. Ka morago ga go tšea kgetho ye, o sa tlo fo ikwa a gateletšegile, eupša gape o tlo ikwa a le molato ka baka la go hlabela batswadi ba gagwe lešata.—Diema 29:11.

Ka nako e swanago, batswadi ba Sarah ba ka se thabele tsela yeo a bolelago le bona ka yona—goba setu seo se tlago go latela. Ba ka nagana gore go na le seo Sarah a se utago. Ba ka leka ka thata go dira gore a bolele, e lego seo ge e le gabotse se ka mo dirago gore a gakanege le go feta. Mafelelong, kgetho ye ga e be le mohola.

Kgetho B yona go molaleng gore e phala Kgetho A. Go ba gona, Sarah le batswadi ba gagwe ba tla ba ba sa boledišana. Eupša bjalo ka ge poledišano e tla ba e sa tšwe pelong, bobedi Sarah le batswadi ba gagwe ba ka se hwetše seo ba se nyakago—go boledišana ka bolokologi le ka go ntšha sa mafahleng.

Lega go le bjalo, ge e le Kgetho C, e tla dira gore Sarah a ikwe bokaone ka ge poledišano e bjalo ka ya mathata a sekolo e tla ba e diegišitšwe ga bjale. Batswadi ba gagwe ba tla tšeela godimo maiteko a gagwe a go boledišana le bona, ka go rialo le bona ba tla thaba. Gantši kgetho ye e ka atlega ka gobane mahlakore ka bobedi a diriša molao wa motheo o hwetšwago go Bafilipi 2:4, yeo e rego: “Šetšang dikgahlego tša ba bangwe, e sego tša lena feela.”—Today’s English Version.

Dihlogo tše di oketšegilego go tšwa lelokelelong la dihlogo tša “Bafsa ba a Botšiša” di ka hwetšwa mokerong wa Web wa www.watchtower.org/ype

[Mongwalo wa tlase]

SEO GO KA NAGANWAGO KA SONA

▪ Ke tema efe yeo e kgathwago ke go šetša nako yeo re bolelago ka yona poledišanong e botse?—Diema 25:11.

▪ Ke ka baka la’ng go le bohlokwa gore o boledišane le batswadi ba gago?—Jobo 12:12.

[Box/​Picture on page 18]

MELAETŠA E SA SWANEGO?

Na o na le bothata bja go boledišana le batswadi ba gago? Mohlomongwe seo o se bolelago ga se swane le seo ba se kwago.

Ge o re . . .

“Ga ke nyake go bolela ka yona.”

Seo batswadi ba gago ba se kwago ke gore  . . .

“Ke tla bolela ka bolokologi ka seo ke se naganago le ka maikwelo le bagwera ba-ka, eupša lena ga le bohlokwa gakaalo bophelong bja-ka e le gore nka bolela le lena.”

Ge o re . . .

“Le ka se ke la kwešiša.”

Seo batswadi ba gago ba se kwago ke gore  . . .

“Le tšofetše e bile le fetilwe ke nako. Le se ke la leka gaešita le go itshwenya ka go nkwešiša.”

 [Box/​Pictures on page 21]

SEO DITHAKA TŠA GAGO DI SE BOLELAGO

“Ke ile ka botša batswadi ba-ka mabapi le bothata bjoo ke bilego le bjona sekolong gomme ka makatšwa ke gore ba be ba ikemišeditše go ntheetša. Ka thušo ya bona go ile gwa ba bonolo go rarolla bothata bjoo!”—Natalie.

“Go boledišana le batswadi ba gago ga se ka mehla go lego bonolo, eupša ge o ba tšhollela sa mafahleng, o ikwa eka morwalo o mogolo o tlošitšwe monaganong wa gago.”—Devenye.

[Lepokisi go letlakala 21]

KELETŠO GO BATSWADI

Bjalo ka motswadi yo a tshwenyegilego, mohlomongwe o ipotšiša ge e ba bana ba gago ba thatafalelwa ke go bolela le wena. Ela hloko seo bafsa ba bangwe ba se boditšego Phafoga! mabapi le lebaka leo ka lona ba sa boledišanego le batswadi ba bona. Ke moka, o ipotšiše dipotšišo tšeo di tsopotšwego gomme o bale mangwalo ao a bontšhitšwego.

“Ke thatafalelwa ke go boledišana le tate ka gobane o na le dilo tše dintši tšeo a di dirago, bobedi mošomong le ka phuthegong. Le ka mohla ga go bonagale go e-na le nako e swanetšego ya go boledišana le yena.”—Andrew.

‘Na ke fetišeditše molaetša wa gore ke swaregile kudu go ka bolela le bana ba-ka ba lego mahlalagading ke sa lemoge? Ge e ba go le bjalo, nka dira bjang gore ke be yo a tsenegago gabonolo? Ke nako efe yeo nka e beelago ka thoko ka mehla bakeng sa go boledišana le bana ba-ka?’—Doiteronomio 6:7.

“Ke ile ka batamela mma ke lla mabapi le ngangišano yeo ke bilego le yona sekolong. Ke be ke nyaka gore a nkhomotše, eupša go e na le moo o ile a fo nkgalema. Ga e sa le go tloga ka nako yeo, ga se ka ka ka boledišana le yena ka selo le ge e le sefe se bohlokwa.”—Kenji.

‘Ke arabela bjang ge bana ba-ka ba mpatamela gomme ba mpotša bothata? Gaešita le ge go nyakega tayo, na nka ithuta go ema gomme ka theetša ka kwelobohloko pele nka nea keletšo?’—Jakobo 1:19.

“Go bonagala nako le nako ge batswadi ba re re ka boledišana le gore ba ka se befelwe, ba no befelwa. Ke moka mofsa yo a lego mahlalagading o ikwa a ekilwe.”—Rachel.

‘Ge ngwanaka a mpotša selo seo se befedišago, nka laola karabelo ya-ka ya mathomo bjang?’—Diema 10:19.

“Gantši ge ke be ke tšhollela mma sa mafahleng ka ditaba tšeo e lego sephiri, gatee-tee o be a di botša bagwera ba gagwe. Ke tšere nako e telele ke se sa mmota.”—Chantelle.

‘Na ke bontšha go naganela maikwelo a ngwanaka ka go se phatlalatše ditaba tša gagwe tšeo e lego sephiri tšeo a mpoditšego tšona?’—Diema 25:9.

“Ke na le dilo tše dintši tšeo ke nyakago go di bolela le batswadi ba-ka. Ke fo ba ke tsoma thušo ya bona ya go thoma poledišano.”—Courtney.

‘Na nka gata mogato wa pele wa go boledišana le ngwana wa-ka yo a lego mahlalagading? Ke dinako dife tšeo di loketšego bakeng sa poledišano?’—Mmoledi 3:7.

[Seswantšho go letlakala 19]

Lepheko la poledišano ga la swanela go e kgaotša—o ka hwetša tsela ya go bolela le batswadi ba gago!