Na o ka re . . . 

• Ee?

• Aowa?

• Mohlomongwe?

Seo Beibele e se bolelago

“Go dira tše kgopo a go be kgole le Modimo wa therešo, le go dira ka go hloka toka a go be kgole le Ramatlaohle!” (Jobo 34:10) Modimo le ka mohla ga a bake bobe le tlaišego tše re di bonago mo lefaseng.

Ke eng se sengwe seo re ka ithutago sona ka Beibeleng?

• Sathane Diabolo, e lego “mmuši wa lefase,” ke yena a bakago tlaišego.​—Johane 14:30.

• Bobe le tlaišego gantši di bakwa ke ge batho ba kgetha go dira dilo tše mpe.​—Jakobo 1:14, 15.

Batho ba bangwe ba dumela gore batho ba ka fediša tlaišego ka go swarišana, mola ba bangwe ba se na kholofelo ya gore maemo a lefase a ka kaonefala. Wena o nagana’ng?

Seo Beibele e se bolelago

Modimo o tla fediša tlaišego. Beibele e re: “Lehu le ka se hlwe le sa ba gona, le ge e le manyami goba sello goba bohloko di ka se hlwe di sa ba gona.”​—Kutollo 21:3, 4.

Ke eng se sengwe seo re ka ithutago sona ka Beibeleng?

• Modimo o tla diriša Jesu go fediša tlaišego yeo e bakilwego ke Diabolo.​—1 Johane 3:8.

• Baloki ba tla phela ka khutšo lefaseng ka mo go sa felego.​—Psalme 37:9-11, 29.