Go Tswakanya Ditumelo
Na badumedi ka moka ba rapela Modimo o tee?
Na madumedi ka moka ao a rutago dithuto tšeo di ganetšanago a kgahliša Jehofa?
Mat 7:13, 14; Joh 17:3; Ef 4:4-6
-
Mehlala ya batho ba ka Beibeleng yeo e ka go thušago:
-
Jos 24:15—Joshua o re re swanetše go kgetha ge e ba re nyaka go hlankela Jehofa goba medimo e mengwe
-
1Dik 18:19-40—Jehofa o diriša moporofeta Eliya go bontšha gore batho bao ba rapelago Modimo wa nnete ga se ba swanela go rapela le medimo e mengwe ya go swana le Baali
-
Jehofa o ikwa bjang ka medimo ya ditšhaba, gona o ikwa bjang ge ditšhaba tšeo di e rapela?
Jehofa o ikwa bjang ka batho bao ba rego ba a mo hlankela mola ba dira dilo tšeo a di hloilego?
Jes 1:13-15; 1Ko 10:20-22; 2Ko 6:14, 15, 17
-
Mehlala ya batho ba ka Beibeleng yeo e ka go thušago:
-
Ek 32:1-10—Jehofa o galefišwa kudu ke ge Arone a dumela ge Baisiraele ba re a ba direle modimo. Ke moka Arone a ba direla seswantšho sa modimo wa namane a ba a re o se direla “monyanya wa Jehofa”
-
1Dik 12:26-30—Ka ge Kgoši Jeroboama a sa nyake gore batho ba ye tempeleng Jerusalema, o dira diswantšho tšeo a rego di emela Jehofa gomme seo se dira gore batho ba direle Jehofa sebe
-
Jehofa o ile a dira eng go ruta Baisiraele gore ba se ke ba rapela medimo e mengwe?
Jehofa o ile a dira eng ge Baisiraele ba be ba tswakanya bodumedi bja bona le bja medimo e mengwe?
Baa 10:6, 7; Ps 106:35-40; Jer 44:2, 3
-
Mehlala ya batho ba ka Beibeleng yeo e ka go thušago:
-
1Dik 11:1-9—Basadi ba Kgoši Solomone ba dira gore a direle Jehofa sebe ka go rapela medimo e mengwe
-
Ps 78:40, 41, 55-62—Jehofa o kwa bohloko ge a bona Baisiraele ba mo hlanogela e bile ba rapela medimo ya diswantšho gomme seo se dira gore a se sa ba amogela
-
Na Jesu o ile a thekga dithuto tša bodumedi tšeo di bego di sa dumelelane le Lentšu la Modimo?
-
Mehlala ya batho ba ka Beibeleng yeo e ka go thušago:
-
Mat 16:6, 12—Jesu o bapiša dithuto tša Bafarisei le Basadutsei le komelo, ka gobane di phatlalala ka lebelo e bile di senya dithuto tšeo di rutwago ka Lentšung la Modimo
-
Mat 23:5-7, 23-33—Jesu o bitša bamangwalo le Bafarisei gore ke baikaketši ka baka la boitshwaro bja bona bjo bobe le dithuto tša bona tša maaka
-
Mar 7:5-9—Jesu o bolela phatlalatša gore bamangwalo le Bafarisei ba tšea ditlwaelo tša bona di le bohlokwa kudu go feta dithuto tša ka Lentšung la Modimo
-
Na Jesu o ile a kgothaletša balatedi ba gagwe gore ba thome dihlotswana tša bodumedi?
-
Mehlala ya batho ba ka Beibeleng yeo e ka go thušago:
-
Joh 15:4, 5—Jesu o diriša papišo ya morara go bontšha gore balatedi ba gagwe ba swanetše go ba boteeng le yena gaešita le go ba boteeng le Bakristegotee le bona
-
Joh 17:1, 6, 11, 20-23—Bošegong bja pele ga ge Jesu a ka bolawa, o ile a rapela a na le baapostola ba gagwe, a kgopela Jehofa gore a thuše balatedi ba gagwe ka moka gore e be batee
-
Na diphuthego tše di fapafapanego tša Bakriste ba pele di be di dumela dilo tše di swanago e bile di hlankela Jehofa ka tsela e swanago?
-
Mehlala ya batho ba ka Beibeleng yeo e ka go thušago:
-
Dit 11:20-23, 25, 26—Diphuthego tša Antiokia le Jerusalema di be di dirišana gabotse e bile di na le botee
-
Rom 15:25, 26; 2Ko 8:1-7—Diphuthego tša Bakriste ba pele di bontšha gore di a ratana ka go thušana dinakong tše thata gomme seo se bontšha gore di na le botee
-
Na Modimo o amogela madumedi ka moka ao a bolelago gore a dumela go Jesu Kriste?
Ge e ba batho ba sa dumele dithuto tša Jesu le baapostola ba gagwe, na Modimo o amogela borapedi bja bona?
-
Mehlala ya batho ba ka Beibeleng yeo e ka go thušago:
-
Mat 13:24-30, 36-43—Jesu o swantšha Bakriste ba maaka le mefoka goba sekoro, e bile o re go be go tlo ba le Bakriste ba bantši ba maaka gomme ba be ba tlo dira gore batho ba se ke ba tseba phuthego ya nnete
-
1Jo 2:18, 19—Moapostola Johane yo a tšofetšego o hlalosa gore ka morago ga mengwaga e ka bago e 100 Jesu a belegwe, batho bao ba sa thekgego Kriste ba be ba šetše ba le gona
-
Go direga eng ge e ba batho bao ba rutago dithuto tša maaka le bao ba sa kwego Kriste ba dumelelwa gore e be karolo ya phuthego?
Bakriste ba swanetše go dira eng gore ba dule ba na le botee?
Ke ka baka la eng Bakriste ba se ba swanela go tšea karolo bodumeding bja maaka?
Ke ka baka la eng e se phošo go tsebiša batho gore dikereke di ruta maaka?
Ke ka baka la eng re se ra swanela go makala ge batho bao ba tsenago dikereke ba re tlaiša e bile ba re hlasela?
You May Also Like
DIPOTŠIŠO TŠEO DI BOTŠIŠWAGO KUDU
Na Dihlatse tša Jehofa di Itswakanya le Madumedi a Mangwe?
Ke dithuto dife tša Beibele tšeo di thušago Dihlatse go araba potšišo ye?
MOROKAMI
Go Tswakanywa ga Ditumelo
Na botee le borwarre di swanetše go tsongwa ka go dira selo le ge e le sefe? Karabo ya Beibele e ka go makatša.
DIPOTŠIŠO TŠA BEIBELE DI A ARABJA
Na Madumedi ka Moka a a Swana? Na Modimo o a Amogela ka Moka?
Dilo tše pedi tšeo di bolelwago ka Beibeleng di nea karabo.
ITHUTE KA DILO TŠA KA BEIBELENG
Mmušo wa Isiraele o tšwa Diripa tše Pedi
Baisiraele ba bantši ba ile ba kgaotša go hlankela Jehofa.
MABAPI LE RENA
Kgopela Thuto ya Mahala ya Beibele
Ithute Beibele, goba o ithute ka mo go oketšegilego ka Dihlatse tša Jehofa.
