Psalm 2:1-12
2 Haʼátʼíí lá biniyé ałʼąą dineʼé ádá nídahojilchįįh, índa dadineʼé éí tʼáadoo biniyéhígóó nidahojiʼá?
2 Nihokááʼgóó aláahgo naatʼáanii hashtʼeʼádadiilyaa, áádóó Bóhólníihii Diyin God jílíinii índa Akʼah Bikʼi Yadziiziidgo Jíísı̨́įʼii tʼáá bił naatʼáanii danilíinii hachʼįʼ nídahididookah biniyé ahidahidiikaigo kódaaní,
3 Haaʼíshąʼ binaaʼnil dasiidlı̨́įʼii yee dah nihiistłʼóonii dahidiiʼnishgo nahgóó adahidiiltłʼił.
4 Yá gháhóką́ądi Bóhólníihii dah sidáii haa chʼídidooldlohgo há nahodoołtʼih.
5 Áádóó índa tʼáá íiyisí doo bił hózhǫ́ǫ́góó hoł yééʼ ádahodoolíiłgo hashké nídzingo kóníigo hachʼįʼ hadoodzih,
6 Záíyan shidził diyinii bighą́ą́ʼdóó aláahgo naatʼáanii shá nantʼáa dooleełii dah biníłdá.
7 Bee nihodeetʼáanii bee hadeesdzih: Bóhólníihii áshidííniid, Shiyeʼ nílı̨́, díí jı̨́ nishchíinii sélı̨́ı̨́ʼ.
8 Shííníkeed, áko nííʼ dooleełígíí biniyé ałʼąą dineʼé, índa nahasdzáán nidaneesʼą́ąjįʼ nííʼ dooleeł biniyé naa dideeshʼááł.
9 Éí béésh hał bee kʼídahidííłhał; ásaaʼ ííłʼíinii bileetsʼaaʼ nihízdeestsxis nahalingo nihídadidííłtxisgo ałtso didoozéí.
10 Éí bąą aláahgo naatʼáanii danohłíinii, dahonohsą́; nahasdzáán bikááʼgóó ánihwiiʼaahii danohłíinii, nidanihidiʼnitin leʼ.
11 Bóhólníihii dadíínóhsingo bichʼįʼ nidahohłá, áádóó nidanihiiłnáago nihił dahózhǫ́ǫ leʼ.
12 Doo nihichʼįʼ báhodoochįįłígíí biniyé índa deínókááhgóó doo ádadoohdįįł da biniyé biYeʼ nilíinii tʼóó baa ádadiyohtʼaah. Diné éí Diyin God yaa deidzólíhígíí tʼáá ałtso bił dahózhǫ́.
