Jiihóvah éí Ádam dóó Íiv nahasdzáán bikááʼ ayóó áhonóolingi, hoolʼáágóó kééhojitʼı̨́į doo biniyé áhoolaa. Séítan éí yoochʼííd bee God bízhiʼ jííłchxǫʼ, dóó God hooʼáałgi naaki nilı̨́įgo áyiilaa. Ádam dóó Íiv éí Séítan, Jiihóvah yichʼįʼ niilteeʼgi bizhdiiʼáázh. Áko éí biniinaa, hó dóó haʼáłchíní niʼiidzííh dóó anoonééł biih jookai

Jiihóvah éí hakʼijįʼ nidaasteeʼígíí bá nihojiizʼą́. Áádóó díí éí bee hadzoodzííʼ, Yisdáʼdooniłii łaʼ doogááł éí Séítan bitsiitsʼiin yidoołjish. Biniinaa nidajílteeʼígíí dóó niʼiidzííh, éí Yisdáʼdooniłii ałtso hashtʼéii doodlííł

Jiihóvah éí Éíbraham dóó David, Mesáíyah bizhéʼé doołeeł yił níigo yichʼįʼ yee ádee haadzííʼ. Díí Mesáíyah éí Naatʼáanii nilı̨́įgo hoolʼáágóó hooʼáał doo

Jiihóvah éí bá dahalneʼii díí tʼáá bítséedi baa dahołneʼ doo yidííniid, niʼiidzííh dóó anoonééł Mesáíyah íidoołdįįł. God biNahatʼaʼ biNaatʼáanii jílı̨́įgo, łaʼ bił dahojéeʼaahgo, éí anaaʼ, ąą dahazʼą́, dóó anoonééł niidoołtʼih

Jiihóvah éí biYeʼ nahasdzáán bikáajįʼ yiníłʼaʼ. Áádóó Jesus éí Mesáíyah átʼı̨́ níigo ííshjání áyiilaa. Jesus éí God biNahatʼaʼ yaa naʼneeztą́ą́ʼ, dóó bibee iinaʼ ninéidiníʼą́. Áádóó Jiihóvah nínááhodiisáago níłchʼi jílı̨́įgo áhoolaa

Jiihóvah éí biYeʼ yáʼąąshdi Naatʼáaniigo dah yineesdá. Éí nihoogháahjįʼ ayííłkánígíí baa hoolzhiizhgo bee bééhózin. Jesus éí bikééʼ deiyíkááhígíí, God biNahatʼaʼ tʼáá náhwiistʼą́ą́góó yaa ndahalneʼgo yikʼidéezʼı̨́ı̨́ʼ

Jiihóvah éí biYeʼ ííłní, nahasdzáán bikáaʼgi Nahatʼaʼ nidíílééł. Ákó éí bee bílaʼashdlaʼii binahatʼaʼ ałtso íidoołdįįł. Áádóó ayóó áhonóolingo ánáhodoodlííł, dóó akʼeh dahółʼínígíí hadadíłtʼéego ánéidoodlííł. Hoolʼáágóó éí Jiihóvah bóhólníihgo ííshjání ánályaa, dóó bízhiʼ dílzingo ánályaa