Diyin Bizaad Haʼátʼíí Biniyé Hazhóʼó Nidííłkah?
Diyin Bizaad yaa halneʼígíísh nił bééhózin? Éí ałʼąą ádaatʼéego naaltsoos danéedéhígíí biláahdi naaʼniihgo hoolzhiizh. Daʼníłtsʼą́ą́dę́ę́ʼ diné díí Diyin Bizaad biiʼ haneʼígíí bił béédahoyoozįįh. Éí ił chohooʼı̨́įgo íʼósin, dóó binaʼnitin iináagi yee áká análwoʼ. Ndi tʼóó ahayóí diné éí Diyin Bizaad doo hazhóʼó bił béédahózin da. Neʼoodląʼ shı̨́ı̨́ hólǫ́, doodaiiʼ ádin shı̨́ı̨́ ndi, Diyin Bizaad baa íhwiideeshʼááł shı̨́ı̨́ nínízin łeh. Díí naaltsoos éí Diyin Bizaad biiʼ haneʼígíí tʼóó chʼídaastʼánígo bee hadilyaa.
TʼAHDOO Diyin Bizaad baa haʼíłtááhgóó, haitʼéego hadilyaaígíí áłtsʼísígo baa íhwiiniłʼą́ąʼgo yáʼátʼééh doo. Diyin Bizaad éí 66go naaltsoos bee ahiih yiʼnil. Genesisdóó bee hahoolzhiizh, níléí Revelationjįʼ bee nihoolzhiizh.
Díí éí yéigo nitsíʼiiłkeesgo naʼídíkid. Diyin Bizaadshąʼ háí bizaad bee hadilyaa? Éí 1,600 nááhaijįʼ, 40go hastóí Diyin Bizaad yikʼedaʼashchı̨́. Díí hastóí éí, Diyin Bizaad nihí ádeiilyaa tʼáadoo dadííniid da. Łaʼ akʼeʼeshchínígíí ání, “Diyin God bizaad bee akʼeʼashchíinii tʼáá ałtso Diyin God ił halneʼgo bee akʼedaʼashchı̨́.” (2 Timothy 3:16) Łaʼ ánáádooʼniid, “Bóhólníihii biNíłchʼi Diyinii shee yáłtiʼgo bizaad bee hahasdziih.” (2 Samuel 23:2) Áko díí akʼedaʼashchínígíí ádaaní, éí yá abíyéelʼáágóó Aláahdi Hooʼáałii, Jiihóvah God éí tʼáá bí bizaad bee hadilyaa. God éí bílaʼashdlaʼii shéédahodoosįįł nízin, díí éí akʼedaʼashchínígíí ííshjánígo ádayiilaa.
Nááʼałdóʼ tʼáá ákónéehee Diyin Bizaad bee bikʼiʼdidootı̨́ı̨́ł, éí tʼáá łáʼígíí haneʼ biiʼ nítʼiʼ. Éí yáʼąąshdę́ę́ʼ God biNahatʼaʼ bee tʼáá bí tʼéiyá bílaʼashdlaʼii yikʼi hooʼáałgi bee bóhólníihgo ííshjání ályaa. Díí naaltsoos yííníłtaʼígíí Genesisdóó Revelationjįʼ, éí tʼáá łáʼígíí haneʼ biiʼ nítʼiʼgo nił bééhodoozįįł.
Áko díí Diyin Bizaad ayóo bééhoʼdílzinígíí, biiʼ baa haneʼígíí kodóó yídííłta.
^ par. 9 Yihahgi éí ałʼąą átʼéego bee dawójí. C.E. éí “Common Era” bidiʼní. B.C.E. éí “Before the Common Era” bidiʼní. Łaʼ éí ádaaníi “Christ tʼahdoo yighááhdą́ą́ʼ bítséedi yihahígíí” doodaiiʼ “Christ níyáádóó wóshdę́ę́ʼ yihahígíí.” Díí wóyahgi yihahígíí dabikáa’ doo.
You May Also Like
ABOUT US
Diyin God Bizaad Haʼátʼíí Biniyé Bíhwiidííłʼááł?
Bíndaʼídíkidígíí éí Diyin Bizaad biiʼdóó diné tʼáadoo bee néelą́ą́ʼgóó yił ííshjání ádeileʼ. Niísh ałdóʼ nił ííshjání ádoolnííł nínízin?
