Díí naaltsoos hazhóʼó nííníłʼı̨́ı̨́ʼígíí baa ahééh daniidzin. Díí binahjįʼ Jiihóvah Yá Dahalneʼé háí ádaatʼínígíí bééhosínsįįd. Áádóó bideiiyíníilnííshígíí baa íhoninłʼą́ą́ʼ dóó díí łááʼ daniidlı̨́įgo dah yiihkahígíí nizhónígo yilwołgo ałdóʼ nił bééhoozįįd. Tʼáá daatsʼíshǫǫh díí naaltsoos binahjįʼ nihí dííshjı̨́įdi Jiihóvah íinízinii bikʼeh ádeitʼı̨́įgo bee nihééhosínísįįd. God tʼáá baa íhołʼaahgo hazhóʼó bééhodíísįįłígi ná laanaa daniidzin. Áko baa íhoołʼaahígíí nikʼéí dóó nikʼis danilínígíí bił dahodíílni. Áádóó oodląʼ binahjįʼ áłah nídeidleehgi tʼáá ahą́ą́h nihaa nánídáahgo nihił honílǫ́.​—Hebrews 10:23-25.

Jiihóvah ląʼígóó baa íhołʼaahgo éí tʼáá íiyisíí ayóíʼánóʼníí lágo baa ákodíníízįįł. Éí naniiłnáago tʼáá ałtsojįʼ yéigo ánítʼı̨́įgo nátʼą́ą́ʼ Jiihóvah ayóíʼíníʼníi doo. (1 John 4:8-10, 19) Neʼiinaʼ siláagi haash yitʼéego Jiihóvah ayóíʼííníʼnínígi tʼáá bééhózínígo íínísin doo? Haʼátʼíísh biniyé Jiihóvah bibee hazʼáanii yáʼátʼééhjí oodááłígíí bikʼeh ááníiłgo ná yáʼátʼééh doo? Haʼátʼíísh níká adoolwołgo Jiihóvah íinízinii nihił bikʼeh honiilʼı̨́į doogo díníízįįł? Diyin God Bizaad yee nanitinígíí ná yíneedlı̨́įgo díí ndaʼídéékidígíí bił niʼdííłkahgo nił ííshjání íidoolííł. Áko ni dóó bił danighanígíí “iiná doo ninítʼiʼii nihaididooʼáłígíí bíká dadínóhʼı̨́įʼgo Diyin God bibee ayóóʼóʼóʼniʼ biiʼ dahonohłǫ́ǫgo ádaʼdííʼnółzin” doo.​—Jude 21.