Díí áhoonííł jiní: Heather éí Mike yił naaʼaashgo kʼad naaki nídeezid, ákondi éí tʼáá shiidą́ą́ʼdii bił ahéé honisin nahalin ní. Tʼáá áłahájįʼ text áhilʼı̨́. Díkwíí shı̨́ı̨́ ahééʼiilkeed bíighahjįʼ phone yiiʼ ałchʼįʼ yáłtiʼ. Ákó ayóó ałhéé hólzin nahalin. Ákondi Mike éí ałchʼįʼ yáʼátiʼ tʼéiyágo, doo yínéesdlįįd da.

Kʼad naaki nídeezid, Mike éí łahda Heather bílaʼ yótąʼ łeh, áádóó łahda náʼahiitsʼǫs. Heather éí tʼáá ákódígo tʼéiyá bił yáʼátʼééh. Ákondi Mike éí doo shitsʼá doogáał da jinízin. Mike tʼéiyá bá nishzhóní jinízingo biniinaa kótʼéego nitsíjíkees: ‘Mike dóó shí, éí ayóóʼáhííníiʼní . . .ʼ

Ił naʼatʼaash baa níínísą́ągo, ni Heather ánítʼı̨́įgoshąʼ haa díínííł?

Intersectiongi redlight biiʼ tʼáá nił háʼooswodgoshąʼ? Éí bee hazʼáanii doo bikʼeh hwííníłʼįįdígíí biniinaa yéigo naa dahwiidoołʼaałgo átʼé. Tʼáá ákótʼéego naʼageh bee tsiʼnisíníyáago éí yéigo naa dahwiidoołʼaał. Éí biniinaa Diyin Bizaad kóní: “Naʼageh bee tsiʼnaʼadá bitsʼą́ąjįʼ ádaʼdíínółzin doo.”—1 Thessalonians 4:3.

Éí bee hazʼáanii doo bikʼeh hóóʼįįdgoshąʼ, éí haa hodoonííł? Diyin Bizaad ání: “Naʼageh bee tsiʼjoogáałgo hatsʼíís bihozhdidoołtʼih.” (1 Corinthians 6:18) Éísh éí haitʼéego tʼáá aaníí?

 Ndaʼałkaahii ádaaníigo éí nooséłí naʼageh yee tsiʼnidaakaigo, díí átʼéego ádidahodiyiiłʼaah.

• ADE ÁHOOŁʼĮĮH. Nooséłí tʼóó ahayóí naʼageh yee tsiʼnidaaskaígíí, tsʼídá doo ákódeeshnííł da ńtʼééʼ daaní.

• AŁHAA AYIHOODLI. Naʼageh bee bił tsiʼnijizhʼázhígíí, éí ‘háí lá ałdóʼ bił ákójiidzaa?’ hóʼníi doo.

• JINÍZIN YĘ́Ę DOO BIKʼEH ÁHOOTʼĮĮH DA. Atʼééké éí háiida baa áhólyą́ą dooígíí deinízin, atíbidoolíłígíí éí ndagaʼ. Áádóó ashiiké éí atʼééké doo, dooda bił nínígíí éí doo deinízin da.

• Díí éí béénílniih doo: Premarital sex tʼóó baa ádinítʼą́ągo éí nitsʼíís ílı̨́įgo baa nitsíníkees yę́ę doo ílı̨́ı̨́góó ádíílííł. (Romans 1:24) Nitsʼíís yeeʼ ayóo ílı̨́įgo baa nitsáhákees!

“Naʼageh bee tsiʼnaʼadá bitsʼą́ąjįʼ ádaʼdíínółzin doo”, éí bíníłdzilgo ádíínílzin. (1 Thessalonians 4:3) Ákwíí nidzaago éí síníyehígíí bił níínínítéezh ndi tʼáadoo átʼéhé da doo. Ákohgo índa éí doo baah níniʼ da doo.—Proverbs 7:22, 23; 1 Corinthians 7:3.

• Háiida ayóóʼánóʼníigoósh, nitsʼíís doodaiiʼ níniʼ siʼą́ągi yaa dahwiidoołʼaał?

• Háiida ayóóʼánóʼnínígíí, God bił kʼé ahidíʼnínígíísh nitsʼą́ą́ʼ yidoołchxǫǫł?—Hebrews 13:4.