NAʼÍDÍKIDÍGÍÍ 3
Haitʼéegoshąʼ shiParents Bichʼįʼ Hanásdzih Doo?
NISH ÉÍ HAA DÍÍNÍÍŁ?
Díí áhoonííł jiní: Łah Wednesdaygo. Geoff, 17 binááhai, éí hooghangi naanish ałtso áyiilaa, áko háádoolyįh biniyé nizhónígo dah jineezdáh, áádóó TV hajíígiz.
Tsʼídá ákohgo, bizhéʼé yah ííyáago doo bił hóozhǫǫd da.
“Geoffrey! Haʼátʼíísh biniyé tʼáadoo biniyéhígóó TV bichʼįʼ dah sínídá? Kʼad yeeʼ nitsilí yázhí bihomework bee bíká adiilwoł neʼ. Tʼáá áko doo akʼeh honíłʼı̨́į da łeh.”
Geoff éí: “Yáadilá” jidííniid, áko hazhéʼé hodiiztsʼą́ą́ʼ.
Hazhéʼé náheeyáago: “Haʼátʼíísh dííníniid?” hałní.
“Doo ádííniidí da shizhéʼé” níigo Geoff, binááʼ dego ííʼáázh.
Bizhéʼé yéigo báhóóchįįdgo ání: “Tʼáadoo ákótʼéego shichʼįʼ yáníłtiʼí!”
Ni Geoff ánítʼı̨́įgo, éí haitʼéego díí doo ádzaa da doo ńtʼééʼ?
DÍÍ ÁŁTSÉ BAA NITSÍNÍKEES!
Nimá dóó nizhéʼé bił ałchʼįʼ yáníłtiʼgi, éí chidí nijiłbąąsgi nahalin. Atiin hachʼą́ą́h bidáʼdeestłʼin yileehgo, éí binaah hoł ahééʼdoolwołgo átʼé.
DÍÍ ÁTʼÉ NAHALINGO:
Atʼééd léiʼ Leah wolyéego ání: “Shizhéʼé hazhóʼó bichʼįʼ hadeesdzihgi ayóó shá nantłʼago átʼé. Łahda nízaadgóó bichʼįʼ yáshtiʼgo kóshíłniih: ‘Daʼ shíísh shichʼįʼ yáníłtiʼ ńtʼééʼ?’”
LEAH ÉÍ DÍÍ TÁAʼGO YIKʼEH ÁDOONÍIŁGO ÁTʼÉ.
-
Bizhéʼé tʼáá naʼníleʼdii yichʼįʼ hadoodzih.
Leah bizhéʼé ííłní: “Yáadilá, shíísíníłtsʼą́ą́ʼ yeeʼ!”
-
Bizhéʼé doo yichʼįʼ yáłtiʼ da.
Leah éí bidaʼdiiłʼáhígíí, bizhéʼé doo yił yaa nátʼı̨́į da.
-
Tʼah hazhóʼó bá hooʼaʼgo índa hazhéʼé bił baa nízhdóotʼįįł.
Leah éí tʼah índa hazhéʼé hazhóʼó bił hojoolneʼ, doodaiiʼ hoʼdiiłʼáhígíí naaltsoos bikááʼ áyiilaago bizhéʼé yee níłtsooz.
Háiidígíí lá Leah ádíílííł, bididíiniił?
DÍÍ BAA ÁKONÍNÍZIN: Leah bizhéʼé éí nááná łahjįʼ binaanish hólǫ́
Atiin hachʼą́ą́h bidáʼdeestłʼin yileehgo, éí binaah hoł ahééʼdoolwołgo átʼé. Tʼáá ákótʼéego nimá dóó nizhéʼé bichʼįʼ hadíídzihgi ná nanitłʼa yileeh ndi, hazhóʼó bichʼįʼ hadíídzihgo átʼé
Option B shı̨́ı̨́ éí doo nanitłʼagóó ázhdoonííł, ndi éí dóʼ doo há yáʼátʼéeh da. Haʼátʼíísh biniinaa? Jó, hodaʼdiiłʼáhígíí hazhóʼó baa náhódóotʼįįłgo éí hazhéʼé bił ahił nahozhdoolnih—áko éí hazhóʼó yee háká adoolwoł. Doo yájíłtiʼgo, éí doo hashtʼéiidoodlíłí da.
Option C éí Leah hazhóʼó bizhéʼé yichʼįʼ hadoodzihgi, éí doo yikʼi didoogáał da. Áko hazhóʼó bá hooʼaʼ góneʼé índa bichʼįʼ hazhdoodzih. Doodaiiʼ naaltsoos da bichʼįʼ ázhdoolííł, áko tʼáadoo hodinaʼí hakʼi hodooldoh.
Éí íiyisí hoʼdiiłʼáhígíí hazhóʼó naaltsoos bikááʼ ázhdoolííł. Áko hazhéʼé éí yiyíiłtaʼgo, Leah íiyisí biʼdiiłʼá yę́ę hazhóʼó yikʼiʼdidootı̨́ı̨́ł. Option C éí tʼáá áłah Leah dóó bizhéʼé bíká adoolwoł. Hazhóʼó ałchʼįʼ haʼiidziih doodaiiʼ naaltsoos bikááʼ ályaaígíí, éí tʼáá Diyin Bizaad ánínígi átʼéego ájiilaa doo. Éí kóní: “Éí bąą haaʼíshąʼ bee kʼé náhoodleełii . . . hádeiitʼı̨́į doo.”—Romans 14:19.
Nááná łaʼ Leah íidoolíłígíí éí haʼátʼíí?
Łaʼ baa nitsíníkeesgo wóyahgi bikááʼ ánílééh. Áádóó éí bikʼeh íinidzaago, éí háágóneʼ andoolósígíí tʼáá bééhózíní doo?
TʼÁADOO NAAKI NILĮ́ĮGO HANÁNÍDZIHÍ
Díí béénílniih, hanánídzihgo, nimá dóó nizhéʼé éí łah átʼéego yikʼiʼdidootı̨́įłgo da átʼé.
DÍÍ ÁTʼÉ NAHALINGO:
Nimá dóó nizhéʼé: “Haalá nítʼé?” nił níigo, “Doo yeeʼ áníshtʼéhé da” diní.
Ákondi nimá dóó nizhéʼé éí kódíní nízin: “Hazhóʼó nihichʼįʼ hadeesdzih ndi, doo nihaʼííníshłíi da. Shikʼisjígo bichʼįʼ hadeesdzih, nihí éí ndagaʼ.”
Bee nichʼįʼ nahwiiʼnánígíí hólǫ́ǫ́ lá jiní, áko nimá dóó nizhéʼé níká ahiʼdíníilchééł niidzin niłní. “Tʼáadoo baa nihíniʼí, tʼáá shí ádeeshłíiłgo bííníshghah” díníniidgoshąʼ?
-
Nimá dóó nizhéʼé haʼátʼíísh yididootsʼı̨́ı̨́ł?
-
Haʼátʼíísh dííníniidgo éí yáʼátʼéeh doo?
You May Also Like
WHITEBOARD ANIMATIONS
Haitʼéego Shizhéʼé dóó Shimá Bichʼįʼ Hadeesdzih?
Doo hadeesdzih nínízingo, ákoshąʼ haitʼéego éí nizhéʼé dóó nimá hazhóʼó bichʼįʼ yáníłtiʼ doo?
