TSʼÍDÁ daatsʼí 800 nááhai yę́ędą́ą́ʼ Maori dineʼé éí ayóí ánízáágóó tónteel bikááʼ jinínáago New Zealand hoolyéegi nidajiizná. Ákwii tónteel bináhaazyı̨́įgo kéyahígíí łah áhootʼéé lágo bikʼíjíkai. Díí kéyah éí dził bąąhdę́ę́ʼ tin ndaazlı̨́įgo naazʼą́, tó sidogo hadaazlı̨́ dóó nidaadzas. 500 nínáánááhaidóó bikʼijįʼ Europedę́ę́ʼ náánáłaʼ dineʼé nináádahaazná. Ląʼígo New Zealand dineʼé éí Europedę́ę́ʼ dóó Polynesia dineʼé ahidiniłnáago ałhá nidaʼiishchı̨́. Kʼasdą́ą́ʼ diné tʼáá ałtso kin hadaasʼáágóó kéédahatʼı̨́. Wellingtondóó hootʼááł áádóó nahasdzáán bikáaʼgi shádiʼááhdę́ęʼgo siʼą́.

Ałʼąą ádaatʼéego dahózhónígo nahazʼą́. Azhą́ New Zealand tʼáá sáhí dah siʼą́ą ndi, tʼáá ahééhéhááh  bikʼeh táaʼdi damíiltsoh diné chʼaa nidaakaiígíí ákǫ́ǫ́ ałnáádaakah.

Tʼóó ahayóí ałʼąą ádaatʼéego naaldeehii bee hólǫ́. Éí ląʼí tsídii doo nidaatʼaʼígíí tʼóó ahayóí ałʼąą ádaatʼéego ákwii dahólǫ́. Naʼashǫ́ʼiiłbáhí nidahalingo tuatara wolyéego ákwii hólǫ́, éí 100 bee ninádaháhááh! Jaaʼabaní ałʼąą ádaatʼéego dóó táyiʼ naaldeehii ayóó ádaníldíilii, éí whales dóó dolphins ákwii dahólǫ́.

Jiihóvah Yá Dahalneʼé éí New Zealandgi nidahalneʼgo kʼadę́ę 120 náhááh. Éí 19 bíighahgo saad ałʼąą ádaatʼéego Diyin Bizaad biiʼdóó yee nidaʼnitin. Polynesiandę́ę́’ saad bee yátiʼígíí Niuean, Rarotongan, Samoan, dóó Tongan dabizaad łaʼ yee nidaʼnitin.