Kéyah Nizhóní Áhánígo Átʼéé Lá
1. Nizhónígo nihił ooʼááł,
Díníʼı̨́ı̨́ʼ da’ tʼáásh aaníí?
Nikʼéí bibaʼ hashtʼe iilééh,
Chʼiyáán tʼóó adahayóí hólǫ́.
Atah yáʼáhootʼéehgo
Nihikʼisóó dahataał.
Díí kéyah hózhónígíí
Áhánígo átʼéé lá.
2. Dibé dóó łı̨́ı̨́ʼ nidaʼałchozh,
Hooghan nímazí siʼą́.
Hodéezyéelgo tó danilı̨́,
Áłchíní náshdóí yił nidaané.
Naadą́ą́ʼ bitah tádiitʼaash.
Ayóó nihaa jiiníbaʼ.
Díí kéyah hózhónígíí
Áhánígo átʼéé lá.
(BRIDGE)
Ániidígo hanááyííłką́,
Yínííł bił yóóʼahóóyáago,
Ayóóʼádaʼahííníiʼní
T’áá ałtsoní ániidí doo.
3. Shimá sání bił siikéego
Chʼilátah hózhǫ́ǫ deílʼá.
Háshineeʼ nidaʼahiiltsą́,
Ayóó íitsʼaʼgo dahwiitaał doo.
Aooʼ, ahéheeʼ lą́ą Jiihóvah
Bee nihikʼihonidlí.
T’áá ákwíí jı̨́ hózhóní
Áhánígo átʼéé lá.
(BRIDGE)
Nihaa néindzá nihił hózhǫ́,
Nihijéí yaa bił dahózhǫ́.
Áko ayóóʼádeíníiʼní,
Éí bibaʼ ániitʼéé ńtʼééʼ.
4. Jiihóvah ánínę́ę
Bíká nihił chohooʼı̨́.
Tsxı̨́įłgo laanaa daniidzinę́ę
Hózhǫ́ náhásdlı̨́įʼgo baa hózhǫ́.
Aooʼ, t’áá aaníí ła’ yiyiilaa
T’áá íiyisí baa hoolzhíísh.
Bibaʼ ádaniitʼéénę́ę
Éí áhánígo átʼéé lá.
