Hahgoshąʼ nihokááʼ áhooníłígíí bił nihodoogááł, éí Diyin Bizaad biyiʼdóó haitʼéego saad “nihokááʼ” chooʼı̨́? Gríik bizaad koʹsmos éí nihokáaʼgi dineʼé áhyiłní, éí Diyin God doo deidísin da, dóó Diyin íinízinígíí doo yikʼeh dahółʼı̨́į da. (John 15:​18, 19; 2 Peter 2:5) Łahda koʹsmos éí nihokááʼ bił nidahaztʼiʼii ałdóʼ ákótʼéego chooʼı̨́.​—1 Corinthians 7:​31; 1 John 2:​15, 16. *

“Nihokááʼ bił nidahaztʼiʼígíí bił yóóʼahodoogááł” haʼátʼíísh óolyé?

Nihokááʼ bił nidahaztʼiʼígíí bił yóóʼahodoogááł éí ałdóʼ ‘nihoolzhíísh’ bee wójí. (Matthew 24:3) Nihoolzhíísh dahaʼnínígíí éí nahasdzáán dah siʼánígíí dóó bílaʼashdlaʼii ádooldįįł doo áhyiłníi da, ndi nihokááʼ bił nidahaztʼiʼígíí tʼáá ałtso bił yóóʼahodoogááł.​—1 John 2:​17.

Diyin Bizaad biyiʼdóó naʼnitinígíí éí “doo yáʼáshǫ́ǫ́góó ádaaníiłii ádooldįįł,” áko diné yáʼátʼééh ádaaníiłii nahasdzáán bikáaʼgi iiná yee nídaʼaldįįh doo. (Psalm 37:​9-​11) Doo yáʼáshǫ́ǫ́góó ádaaníiłii éí “ayóó átʼéego achʼįʼ nahwiiʼná” hazlı̨́įʼgo, áadi índa ádooldįįł. (Matthew 24:​21, 22) Bikééʼdóó índa Armagédan baa hodoolzhish.​—Revelation 16:​14, 16.

Hahgoshąʼ nihookáaʼgi nihodoolzhish?

Jesus kóní, “Ákwii yoołkáłígíí índa oolkiłígíí diné łaʼda doo hoł bééhózin da, yáʼąąshdi diyingo nidaalʼaʼí nidi dooda, aYeʼ nidi dooda, nidi shiTaaʼ tʼéiyá bił bééhózin.” (Matthew 24:​36, 42) Áádóó nihodoogááł baa hoolzhiizhgo doo bééhózin da éí biniinaa “oolkiłígi doo nidayínóhłíi da”, ní.​—Matthew 24:44.

Azhą́ yoołkáłígíí dóó oolkiłígíí doo nihił béédahózin da ndi, bee ééhózinii éí Jesus nihił ííshjání áyiilaa. (Matthew 24:​3, 7-​14) Diyin Bizaad biyiʼdóó “nihoolzhíishjįʼ” dóó “nihoogháahjįʼ” beiníłką́, áhyiłní.​—Daniel 12:4; 2 Timothy 3:​1-5.

Nihoníyá bikééʼdóó łaʼísh chʼídookah?

Aooʼ. Nahasdzáán éí tʼah ndi siʼą́ą doo. Diyin Bizaad áníigo éí “hoolʼáágóó doo hididooʼnáał da.” (Psalm 104:5) Diné tʼóó ahayóí nahasdzáán yiiʼ kéédahatʼı̨́į doo. Diyin Bizaad ání, “Tʼáá ákogi ádaaníiłii hoolʼáágóó kéyah bííʼ dadooleeł, áádóó ákwii hoolʼáágóó kéédahatʼı̨́į doo.” (Psalm 37:29) Tʼóó hahóóyá yę́ędą́ą́ʼ Jiihóvah hahasdzííʼ yę́ę bééhodoolnííł:

• Kéyah Hózhǫ́.​—Isaiah 35:1; Luke 23:43.

• Hoł yééʼ ádin doo.​—Micah 4:4.

• Binaanish yaa bił nidahoozhǫǫh doo.​—Isaiah 65:​21-​23.

• Naałniih dóó są́ hwéédidoochił.​—Job 33:25; Isaiah 33:24.