Muzisonyeza Chikondi
Vuto Limene Limakhalapo
Maganizo atsankho amakhala ovuta kuwachotsa, ngati mmene zimakhaliranso ndi kachirombo koyambitsa matenda ka vairasi. Pamafunika nthawi komanso khama kuti tichotse tsankho mumtima mwathu. Ndiye kodi mungatani kuti mukwanitse kuchita zimenezi?
Mfundo ya M’Baibulo
“Valani chikondi, pakuti chimagwirizanitsa anthu mwamphamvu kwambiri kuposa chinthu china chilichonse.”—AKOLOSE 3:14.
Kodi lembali likutiphunzitsa chiyani? Kuchita zinthu zokomera mtima anthu ena kumathandiza kuti anthu azigwirizana. Ndiye mukamasonyeza kwambiri chikondi kwa ena, maganizo atsankho amakuchokerani. Mukaphunzira kukonda ena kwambiri zidzakuthandizani kuti musamawaganizire zolakwika.
Zimene Mungachite
Ganizirani zimene mungachite kuti musonyeze chikondi anthu amtundu umene mwakhala mukuuona molakwika. Sikuti mufunika kuwachitira chinachake chachikulu. Mungayese kuchita chimodzi kapena zingapo mwa izi:
Chilichonse chimene mungachite posonyeza ena chikondi, chidzakuthandizani kuchepetsa mtima watsankho
Mungawasonyeze kuti ndinu munthu wakhalidwe labwino powatsegulira chitseko kapena powauza kuti akhale pampando umene mwakhala m’basi ngati iwo aimirira.
Yesani kukamba nawo tinkhani apa ndi apo ngakhale atakhala kuti sadziwa bwinobwino chilankhulo chanu.
Muzikhala oleza mtima akachita zinthu mwa njira imene simukuimvetsa.
Muziwamvera chisoni akamafotokoza mavuto awo.
Mwina Mungakondenso Kudziwa Izi
KUTHANDIZA ENA
Kuthana ndi Tsankho Pogwiritsa Ntchito Baibulo
A Mboni za Yehova amakhulupirira zoti Mulungu amaona kuti mitundu yonse ya anthu ndi yofanana.
GALAMUKANI!
Malangizo Otithandiza Kukhala Mwamtendere Ndi Anzathu
Kodi ndi makhalidwe ati amene angatithandize kuti tizikhalabe mwamtendere ndi anthu ena?
