N’oha Buzima Orikutegyeka Ensi?
Nooteekateeka ngu . . .
-
ni Ruhanga?
-
n’abantu?
-
ni Sitaane?
EKI BAIBULI ERIKWEGYESA
‘Omubi niwe arikutegyeka ensi yoona.’—1 Yohaana 5:19.
‘Omwana wa Ruhanga akaija kuhwerekyereza emirimo ya Sitaane.’—1 Yohaana 3:8, Baibuli ey’Orunyankore-Rukiga, eya 1964.
OKU ORIKUGASIRWA WAIKIRIZA EKYO
Noomanya ahabw’enki hariho oburemeezi bwingi omu nsi.—Okushuuruurwa 12:12.
Noogira amatsiko ngu ensi neija kuba nungi.—1 Yohaana 2:17.
NITUBAASA KWIKIRIZA EKI BAIBULI ERIKUGAMBA?
Eego, ahabw’enshonga nka ishatu:
-
Obutegyeki bwa Sitaane nibwija kucwekyerezibwa. Yehova amaririire kucwekyereza obutegyeki bwa Sitaane. Naaraganisa ‘kuhindura busha Sitaane,’ akaihiraho kimwe byona ebi Sitaane areetsireho.—Abaheburaayo 2:14.
-
Ruhanga atooraine Yesu Kristo kutegyeka ensi. Yesu taine mwaga kandi tarikweyendeza nka Sitaane orikutegyeka ensi hati. Ruhanga akaraganisa aha bikwatiraine n’obutegyeki bwa Yesu ati: “Aryasaasira abooro n’abakyene . . . Aryacungura amagara gaabo, agaihe omu kubonabonesibwa n’omu mwaga.”—Zaaburi 72:13, 14.
-
Ruhanga tarikubaasa kubeiha. Baibuli neeyoreka butunu ngu: ‘Ruhanga tabaasa kubeiha.’ (Abaheburaayo 6:18) Ruhanga ku arikuraganisa kukora ekintu, hatariho kubanganisa naakikora! (Isaaya 55:10, 11) ‘Omutegyeki w’ensi egi naija kubingwa.’—Yohaana 12:31.
EKY’OKUTEEKATEEKAHO
Ni mbeera ki eziraabeho omu nsi, omutegyeki waayo ku araacwekyerezibwe?
Baibuli neegarukamu ekibuuzo eki omu ZAABURI 37:10, 11 na OKUSHUURUURWA 21:3, 4.
Noobaasa Kukunda n'Ebi
ENYEGYESA ZA BAIBULI ENKURU
Ahabw’enki Ruhanga Naareka Okubonabona Kukabaho?
Abantu baingi nibebuuza ahabw’enki ensi eijwiremu okubonabona n’obwangani. Baibuli neeha eby’okugarukamu ebirikuhuumuriza.
EBIBUUZO EBI BAIBULI ERIKUGARUKAMU
Omuregi shi n’Owaabuzima?
Mbwenu shi Omuregi n’omusingye gw’ekibi ekiri omu bantu, nari ariho n’owaabuzima?
EBIRIKUTUKWATAHO
Ahabw’enki Oshemereire Kwega Baibuli?
Baibuli neehwera abantu baingi omu nsi yoona okutunga eby’okugarukamu eby’ebibuuzo ebikuru. Naiwe nooyenda kuba omwe aharibo?
EBIRIKUTUKWATAHO
Shaba Kutaayaayirwa Abajurizi ba Yehova
Gaaniira n’Abajurizi ba Yehova aha nshonga kuruga omu Baibuli, nari gyezaho kwejumba omu ntebeekanisa yaitu y’Okwega Baibuli otashashwire.
