Edwɛne 107:1-43
(Edwɛne 107-150)
107 Bɛyɛ Gyihova mo, ɔluakɛ ɔle kpalɛ;+Ye ɛlɔlɛ kpundii ne wɔ ɛkɛ ne dahuu.+
2 Bɛmaa bɛdabɛ mɔɔ Gyihova ɛlie* bɛ la ɛha ɛhye,Bɛdabɛ mɔɔ yelie bɛ yevi kpɔvolɛ ne asa anu,*+
3 Bɛdabɛ mɔɔ ɔboɔboale bɛ nloa ɔvile azɛlɛ ne mɔ azo,+Ɔvile aduduleɛ nee adɔleɛ,Ɔvile sɔlɔ nee nyiakɛ la.+
4 Bɛkpɔsɛkpɔsale fienemgbole ne anu, ɛsɛlɛ ne azo;Bɛannwu adenle bɛangɔ suakpole mɔɔ bɛbadɛnla zolɛ la azo.
5 Ɛhɔne nee nzuhɔne hunle bɛ;Ɛvɛlɛ ngome maanle bɛ nye zo bulule bɛ.*
6 Bɛzunle bɛvɛlɛle Gyihova wɔ bɛ anwongyelelɛ nu;+Ɔliele bɛ ɔvile bɛ ngyegyelɛ ne anu.+
7 Ɔvale bɛ ɔluale adenle fɔɔnwo zo+Ɔrale suakpole mɔɔ bɛbadɛnla zolɛ la azo.+
8 Bɛmaa menli ɛyɛ Gyihova mo+ wɔ ye ɛlɔlɛ kpundii ne,Nee ye nwanwane gyima ne mɔ mɔɔ yeyɛ yemaa alesama la ati.+
9 Ɔluakɛ yemaa mɔɔ nzuhɔne ɛlɛku ye* la nzuleNa yemaa mɔɔ* ɛhɔne ɛlɛku ye la ɛnyia ninyɛne mgbalɛ.+
10 Ɛnee bie mɔ de awozinli kabii nu,Pilizama mɔɔ bɛguale bɛ kyeenyi na bɛnwunle amaneɛ.
11 Ɔluakɛ bɛdele Nyamenle edwɛkɛ ne anwo atua;Bɛambu Anwuma Anwumanli ne folɛdulɛ ne bie.+
12 Ɔti ɔluale ngyegyelɛ zo ɔbɛlɛle bɛ ahonle ne aze;+Bɛguale aze na bɛannyia awie amboa bɛ.
13 Bɛzunle bɛvɛlɛle Gyihova kɛ ɔboa bɛ wɔ bɛ anwongyelelɛ nu;Ɔliele bɛ ɔvile bɛ ngyegyelɛ ne anu.
14 Ɔyele bɛ ɔvile awozinli kabii nu,Na ɔtetele bɛ kyeenyi ne mɔ anu.+
15 Bɛmaa menli ɛyɛ Gyihova mo wɔ ye ɛlɔlɛ kpundii ne,+Nee ye nwanwane gyima ne mɔ mɔɔ yeyɛ yemaa alesama la ati.
16 Ɔluakɛ yebubu kɔbele nlenkɛ ne mɔNa yepepɛ nlenkɛ nzi mbulalɛ ne mɔ anu.+
17 Bɛyɛle ahoasea na bɛnwunle amaneɛ+Ɔlua bɛ mɛladonlɛ nee bɛ nvonleɛ ne mɔ ati.+
18 Bɛ ti akunlu amba aleɛ biala azo;*Bɛbikyele ewule nlenkɛ mgbole ne mɔ anloa.
19 Bɛzunle bɛvɛlɛle Gyihova kɛ ɔboa bɛ wɔ bɛ anwongyelelɛ nu;Ɔliele bɛ ɔvile bɛ ngyegyelɛ ne anu.
20 Ɔzoanle ye edwɛkɛ ne ɔmaanle ɔyɛle bɛ ayile+Yɛɛ ɔyele bɛ ɔvile kuma ne mɔɔ bɛdɔle nu la anu.
21 Bɛmaa menli ɛyɛ Gyihova mo wɔ ye ɛlɔlɛ kpundii ne,Nee ye nwanwane gyima ne mɔ mɔɔ yeyɛ yemaa alesama la ati.
22 Bɛmaa bɛva moyɛlɛ bɛbɔ afɔle+Na bɛva anyelielɛ bɛbɔ ye gyima ne mɔ nolo.
23 Bɛdabɛ mɔɔ bɛfa meli bɛdua nyevile zo,Mɔɔ bɛdi gua wɔ azule mgbole ne mɔ azo la,+
24 Bɛnwu Gyihova gyima ne mɔNee ye nwanwane gyima ne mɔ wɔ nyevile ne anu;+
25 Kɛzi ɔdua ye edwɛkɛ zo ɔmaa ahumu tu,+Na ɔmaa nyevile azɛlɛkye bu la.
26 Azɛlɛkye ne mɔ fa bɛ kɔ anwuma;Na bɛfi bɛ aze wɔ kuma ne mɔ anu.
Bɛ ahonle tu* ɔlua munzule mɔɔ ɛlɛba arado bɛ la ati.
27 Bɛyɛ tindaanwu na bɛtudu kɛ nzabovoma,Na bɛ mɔdenlebɔlɛ kɔsɔɔti yɛ mgbane.+
28 Akee bɛsu bɛfɛlɛ Gyihova wɔ bɛ anwongyelelɛ nu,+Na ɔdie bɛ ɔfi bɛ ngyegyelɛ ne anu.
29 Ɔmaa ahumu ne gua dii;Nyevile azɛlɛkye ne mɔ yɛ ngungoonwu.+
30 Saa bɛgua dii a bɛdi fɛlɛko,Na ɔfa bɛ ɔkɔ habɔ* ne mɔɔ bɛkulo kɛ bɛkɔ zo la azo.
31 Bɛmaa menli ɛyɛ Gyihova mo wɔ ye ɛlɔlɛ kpundii ne,Nee ye nwanwane gyima ne mɔ mɔɔ yeyɛ yemaa alesama la ati.+
32 Bɛhanvo ye wɔ menli mɔɔ ɛyia nu la anu,+Na bɛye ye ayɛlɛ wɔ mgbanyima ne mɔ ayia ne abo.
33 Ɔmaa azule kakyi ɛsɛlɛNa ɔmaa nzubula kakyi azɛlɛ resee.+
34 Ɔmaa azɛlɛ mɔɔ kye aleɛ la kakyi ngyenle azɛlɛ,+Ɔlua menli mɔɔ de ɛkɛ ne la amumuyɛyɛlɛ ne ati.
35 Ɔmaa ɛsɛlɛ kakyi nzubula dɔɔnwo,Yɛɛ ɔmaa azɛlɛ resee kakyi nzule ɛvileka.+
36 Ɔmaa bɛdabɛ mɔɔ ɛhɔne ku bɛ la tɛnla ɛkɛ,+Amaa bɛakyekye suakpole bɛadɛnla zolɛ.+
37 Bɛdua ma wɔ ɛya nu na bɛyɛ vanye egyinli+Mɔɔ so ma dɔɔnwo la.+
38 Ɔyila bɛ na bɛ nwo so kpalɛ;Ɔmmaa bɛ nlankɛ ne mɔ azo ɛnde.+
39 Noko nzisi, amaneɛnwunlɛ nee nyanelilɛ ti,Bɛ nwo ka ekyii na bɛbɛlɛ bɛ aze bieko.
40 Ɔmbu menli titiliNa ɔmaa bɛkpɔsɛkpɔsa azɛlɛ mɔɔ ɛdɔ mgbane mɔɔ adenle ɛnla zolɛ la azo.+
41 Noko ɔbɔ ehyiavolɛma anwo bane* ɔfi nzisi nwo+Na ɔmaa bɛ mbusua anwo so kɛ mboane ekpunli.
42 Tenlenema nwu ɛhye na bɛdi fɛlɛko;+Noko amumuyɛma kɔsɔɔti ka bɛ nloa to nu.+
43 Awie biala mɔɔ ze nrɛlɛbɛ la bayɛ ninyɛne ɛhye mɔ nzonlɛ+Na yeadwenle Gyihova ɛlɔlɛ kpundii ne anwo kpalɛ.+
Ɔbodwɛkɛ
^ Anzɛɛ “ɛkpɔne.”
^ Anzɛɛ “tumi bo.”
^ Anzɛɛ “bɛ ɛkɛla anye zo bulule ye.”
^ Anzɛɛ “ɛkɛla mɔɔ nzuhɔne ɛlɛku ye kpole kpalɛ.”
^ Anzɛɛ “ɛkɛla mɔɔ.”
^ Anzɛɛ “Bɛ ɛkɛla hyile aleɛ biala.”
^ Anzɛɛ “Bɛ ɛkɛla ahonle tu.”
^ Anzɛɛ “meli agyinlaleɛ.”
^ Anzɛɛ “ɔfa bɛ ɔsie anwuma,” ɛhye kile, ɔmmaa bɛ sa ɛnga bɛ.
