Edwɛne 25:1-22
Devidi edwɛne.
א [Aleph]
25 O Gyihova, wɔmɔ a mefa me asɔneyɛlɛ meto ɛ nyunlu a.*
ב [Beth]
2 Me Nyamenle, wɔmɔ a me rɛle wɔ wɔ nu a;+Mmamaa me nyunlu gua aze.+
Mmamaa me kpɔvolɛma di me nyanenwunlɛ ne anwo fɛlɛko.+
ג [Gimel]
3 Nɔhalɛ nu, bɛdabɛ mɔɔ bɛ nye la ɛ nwo zo la anyunlu ɛnrɛgua aze,+Noko bɛdabɛ mɔɔ mgbane gyɛne nu ala bɛye awie mɔ bɛmaa la anyunlu bagua aze.+
ד [Daleth]
4 O Gyihova, maa menwu wɔ ndenle ne mɔ;+Kilehile me wɔ ndenle ne mɔ.+
ה [He]
5 Maa menlua wɔ nɔhalɛ ne anu na kilehile me,+Ɔluakɛ wɔmɔ a ɛle me ngoanedievolɛ Nyamenle a.
ו [Waw]
Me nye la ɛ nwo zo mekɛ biala.
ז [Zayin]
6 O Gyihova, kakye wɔ anwunvɔnezelɛ nee wɔ ɛlɔlɛ kpundii ne,+Mɔɔ dahuu ɛda ye ali* la.+
ח [Heth]
7 Mmakakye me mgbavolɛ* nu ɛtane ne mɔ nee me mɛladonlɛ ne mɔ.
Kakye me kɛ mɔɔ wɔ ɛlɔlɛ kpundii ne de la,+O Gyihova, ɔlua wɔ kpalɛyɛlɛ ne ati.+
ט [Teth]
8 Gyihova le kpalɛ nee tenlene.+
Ɛhye ati a ɔkilehile ɛtanevolɛma adenle mɔɔ ɔwɔ kɛ bɛdua nu la.+
י [Yod]
9 Ɔbamaa bɛlɛvoma ayɛ mɔɔ tenrɛ la,+Na yeahilehile bɛlɛvoma ye adenle ne.+
כ [Kaph]
10 Gyihova ndenle kɔsɔɔti le ɛlɔlɛ kpundii nee nɔhalɛlilɛMaa bɛdabɛ mɔɔ bɛdi ye ngyekyeleɛ+ nee ye ngakyelɛ ne mɔ azo la.+
ל [Lamed]
11 O Gyihova, me nvonleɛ ne le kpole bɔbɔ ɛdeɛ,+Noko wɔ duma ne ati, fakyɛ me.
מ [Mem]
12 Nwane a le sonla ne mɔɔ sulo Gyihova la?+
Ɔbahilehile ye adenle mɔɔ ɔwɔ kɛ ɔfa zo la.+
נ [Nun]
13 Ɔbanyia* debie kpalɛ,+Na ɔ bo zo amra bava azɛlɛ ne ayɛ bɛ ɛdeɛ.+
ס [Samekh]
14 Bɛdabɛ mɔɔ bɛsulo Gyihova la a kola nee ye nyia agɔnwolɛvalɛ kyengye a,+Na ɔmaa bɛnwu ye ngyekyeleɛ ne.+
ע [Ayin]
15 Gyihova ala a dahuu me nye gyi ɔ nyunlu a,+Ɔluakɛ yemɔ a ɔbaye me gyakɛ yeavi asawu ne anu a.+
פ [Pe]
16 Kakyi ɛ nye nea me na maa menyia ɛ nyunlu ɛlolɛ,Ɔluakɛ yeha me ngome yɛɛ menlɛ boavolɛ biala.
צ [Tsade]
17 Me ahonle nu nyanelilɛ ɛzo;+Die me fi me amaneɛnwunlɛ nu.
ר [Resh]
18 Nea me amaneɛnwunlɛ nee me ngyegyelɛ,+Na fa me ɛtane muala kyɛ me.+
19 Nea kɛzi me kpɔvolɛma anwo ɛzo a,Nee kɛzi bɛkpɔ me kpalɛ la.
ש [Shin]
20 Bɔ me ngoane* nwo bane na die me.+
Mmamaa me nyunlu gua aze, ɔluakɛ menriandi meravea wɔ nu.
ת [Taw]
21 Maa nɔhalɛlilɛ* nee tenleneyɛlɛ ɛbɔ me nwo bane,+Ɔluakɛ me nye la ɛ nwo zo.+
22 O Nyamenle, die Yizilayɛ fi ye amaneɛnwunlɛ muala anu.
Ɔbodwɛkɛ
^ Anzɛɛ “memaa me ɛkɛla zo wɔ ɛ nyunlu.”
^ Anzɛɛ “Mɔɔ bɛvi tete.”
^ Anzɛɛ “ngakula.”
^ Anzɛɛ “Ye ɛkɛla banyia.”
^ Anzɛɛ “me ɛkɛla.”
^ Anzɛɛ “munlililɛ.” Nea Edwɛkɛbohilelɛ.
