Mrɛlɛbulɛ 23:1-35
23 Saa ɛtɛnla aze kɛ ɛ nee belemgbunli di aleɛ a,Suzu tɛnlabelɛ ne anwo kpalɛ.
2 Saa wɔ atiakunluwɔzo ne le kpole aFa dadeɛ to ɛ komenzia.*
3 Mmamaa ɛ ti akunlu ba ye aleɛ sosɔɔ ne azo,Ɔluakɛ ɔle mɛlɛbɛla aleɛ.
4 Mmaku ɛ nwo ɛvɛlɛ* kɛ ɛkɛnyia ɛ nwo.+
Gyinla na da ndelebɛbo ali.*
5 Saa ɛfa ɛ nye ɛto zo a, ɔnle ɛkɛ,+Ɔluakɛ ɔbafifi ndɛbalɛ kɛ kɔleɛ na yeadu yeahɔ anwomanyunlu.+
6 Mmadi sonla mɔɔ le abokɛ* la aleɛ;Mmamaa ɛ ti akunlu ba ye aleɛ sosɔɔ ne azo.
7 Ɔluakɛ ɔle kɛ sonla* mɔɔ ɛlɛbu mgbonda la.
Ɔka ɔkile wɔ kɛ: “Di na no,” noko ɔnvi ye ahonle nu.*
8 Ɛbave aleɛ ne mɔɔ wɔli laNa wɔ nganvolɛ ne ayɛ mgbane.
9 Mmatendɛ ɛgua koasea anzo nu,+Ɔluakɛ ɔnrɛva nrɛlɛbɛ mɔɔ wɔ wɔ edwɛkɛ ne anu la ɔnrɛyɛ ɛhwee.+
10 Mmatu tete ɛweɛne+Anzɛɛ mmakɔ arisa ɛya* nu.
11 Ɔluakɛ bɛ Dievolɛ* ne anwo yɛ se;Ɔbali bɛ edwɛkɛ yeamaa bɛ na yeadwazo yeatia wɔ.+
12 Fa wɔ ahonle kɔ ɛdenrɛdenrɛlɛ zoNa maa ɛ nzo ɛhɔ edwɛkɛ mɔɔ maa nrɛlɛbɛ la azo.
13 Mmakpo kɛ ɛkɛdenrɛdenrɛ kakula.+
Saa ɛfa baka ɛbo ye a, ɔnrɛwu.
14 Fa baka bo ye,Amaa wɔalie ye* wɔavi Nla* nu.
15 Me ra, saa wɔ ahonle nwu nrɛlɛbɛ a,Yemɔ me ahonle bali fɛlɛko.+
16 Saa ɛ nloa ka mɔɔ tenrɛ la aMe ahonle* bali fɛlɛko.
17 Mmamaa wɔ ahonle anye bolo ɛtanevolɛma,+Emomu, sulo Gyihova alehyenlɛ biala.+
18 Ɛhye bamaa wɔanyia anyelazo*+Na wɔ anyelazo ne ɛnrɛyɛ mgbane.
19 Me ra, tie na nwu nrɛlɛbɛ,Na maa wɔ ahonle ɛva adenle kpalɛ ne azo.
20 Mmakɔboka bɛdabɛ mɔɔ bɛno nwanye dɔɔnwo,+Nee bɛdabɛ mɔɔ bɛdi nane dɔɔnwo la anwo.+
21 Ɔluakɛ nzabovoma nee aleɛmgbolema bali ehyia,+Yɛɛ ngɔsɔkɛbɔlɛ bamaa sonla aheda avuazinli.
22 Tie wɔ papa mɔɔ wole wɔ la,Yɛɛ mmakpo wɔ mame ɔluakɛ yeyɛ ɛrelera la ati.+
23 Tɔ* nɔhalɛ na mmatɔne ye ɛlɛ,+Tɔ nrɛlɛbɛ nee ɛdenrɛdenrɛlɛ yɛɛ ndelebɛbo noko.+
24 Tenlenenli ɛ papa bali fɛlɛko kpalɛ;Awie biala mɔɔ kɛwo ralɛ nrɛlɛbɛvolɛ la anye balie ɔ nwo.
25 Wɔ papa nee wɔ mame bali fɛlɛko,Yɛɛ raalɛ mɔɔ wole wɔ la anye balie.
26 Me ra, fa wɔ ahonle maa me,Na maa ɛ nye ɛlie me ndenle ne mɔ anwo.+
27 Ɔluakɛ tuutuunli le kuma kpole,Yɛɛ raalɛ adwɔmane* le bula ɛdenraa.+
28 Ɔbu ɔsia kɛ awule la;+Ɔmaa mrenyia mɔɔ ɛnli nɔhalɛ la anwo so.
29 Nwane a munzule ɛdo ye a? Nwane a adwenleadwenle ɛdɔ ɔ nwo a?
Nwane a kulo butule a? Nwane a kulo edwɛkɛ ɛhehanlɛ a?
Nwane a tudu nganlɛ mgbane gyɛne nu a? Nwane a anye ɛyɛ ngɔkɔlɛ* a?
30 Bɛdabɛ mɔɔ bɛtɛnla nwanye nwo bɛkyɛ;+Bɛdabɛ mɔɔ bɛkpondɛ* nwanye mɔɔ bɛfonla ye la.
31 Mmanea nwanye anye kɔkɔlɛ neMɔɔ ɔwu awubue wɔ kanrɛlɛ nu na ɔgua aze bɛtɛɛ la,
32 Ɔluakɛ awieleɛ ne ɔka kɛ ɛwɔlɛ,Na ɔkpu pɔezen kɛ bɔna la.
33 Ɛ nye banwu ninyɛne ɛzulolɛ,Na wɔ ahonle aheha mgbane mgbane.+
34 Ɛbayɛ kɛ sonla mɔɔ la nyevile ne akunlu nehane,Kɛ sonla mɔɔ la meli avela baka ti zo la.
35 Ɛbaha kɛ: “Bɛbɔle me, noko meande.*
Bɛbole me, noko meannwu ye.
Mekɛ boni a mebadunwue a?+
Mehyia nza bieko.”*
Ɔbodwɛkɛ
^ Anzɛɛ “Sɔ ɛ nwo.”
^ Anzɛɛ “Mmafonla ɛ nwo.”
^ Anzɛɛ ɔkola ɔkile, “Mmafa ɛ nwo ɛto wɔ ndelebɛbo zo.”
^ Anzɛɛ “lɛ ɛnyelɛ ɛtane.”
^ Anzɛɛ “ɛkɛla.”
^ Anzɛɛ “tɛ ɔ kunlu ɔ.” Hibulu aneɛ nu, “ye ahonle ɛnle ɛ nwo ɛkɛ.”
^ Anzɛɛ “egyinli.”
^ Hibulu aneɛ nu, “Kpɔnevolɛ.”
^ Anzɛɛ “ye ɛkɛla.”
^ Anzɛɛ “Sheol,” ɛhye kile, alesama nla. Nea Edwɛkɛbohilelɛ.
^ Hibulu aneɛ nu, “Me kilenzia.”
^ Hibulu aneɛ nu, “kenle bie.”
^ Anzɛɛ “Nyia.”
^ Anzɛɛ “anye zo kyi ye.”
^ Anzɛɛ “bɛyia nu kɛ bɛno.”
^ Anzɛɛ “meande nyane.”
^ Anzɛɛ “Mebakpondɛ bieko.”
