Mrɛlɛbulɛ 24:1-34
24 Mmamaa ɛ nye bolo ɛtanevolɛma,Yɛɛ mmamaa ɛ nye die bɛ agɔnwolɛvalɛ nwo,+
2 Ɔluakɛ bɛ ahonle dwenledwenle amumuyɛyɛlɛ nwo,Yɛɛ bɛ nloa keha ngyegyelɛ nwo edwɛkɛ.
3 Bɛdua nrɛlɛbɛ zo a bɛsi sua* a,+Yɛɛ bɛdua adwenlenunwunlɛ zo bɛmaa ɔgyinla kpundii.
4 Bɛdua adwenle zo bɛfa anwonyia mɔɔ sonle bolɛNee ninyɛne ngɛnlɛma kɔsɔɔti bɛyi ye ekpumgbunli ne mɔ tetɛkɛɛ.+
5 Nrɛlɛbɛvolɛ lɛ tumi kpole,+Yɛɛ sonla dua adwenle zo maa ye tumi yɛ kpole.
6 Dua adehilelɛ kpalɛ* zo ko wɔ konle,+Na folɛdulɛma dɔɔnwo maa bɛdi konim.*+
7 Ɔyɛ se kɛ koasea kɛnwu nɔhalɛ nrɛlɛbɛ;+Ɔnlɛ edwɛkɛ biala ɔnga ye wɔ suakpole ne anlenkɛ kpole ne anloa.
8 Awie biala mɔɔ bɔ adwenle ɛtane laBɛbavɛlɛ ye sonla mɔɔ ɛbe adwenle ɛtane ɛbɔlɛ nu.+
9 Koasea adwenle ɛbɔlɛ* le ɛtane,Yɛɛ menli kyi agolobɛnwonli.+
10 Saa ɛ sa nu to wɔ anwongyelelɛ* mekɛ nu a,Wɔ anwosesebɛ zo bade.
11 Die bɛdabɛ mɔɔ bɛ nee bɛ ɛlɛkɔ ewule nu la,Na sɔ bɛdabɛ mɔɔ bɛlɛtotɔ bɛahɔ ahunleɛ la.+
12 Saa ɛka kɛ, “Noko yɛnze ɛhye anwo ɛhwee” a,
Asoo Ahenle mɔɔ neɛnlea ahonle* nu la ɛnrɛnwu ye?+
Ɛhɛe, Ahenle mɔɔ nea ɛ nwo zo* la banwu yeNa ɔbadua awie biala kakɛ kɛ mɔɔ ye gyima de la.+
13 Me ra, di wolɛ, ɔluakɛ ɔle kpalɛ;Wolɛ mɔɔ vi ndɛlamoa ne anu pepe la yɛ fɛ.
14 Zɔhane ala a nwu ye kɛ nrɛlɛbɛ le kpalɛ maa wɔ a.+
Saa ɛnwu ye a, ɛbanyia anyelazo*Na wɔ anyelazo ne ɛnrɛyɛ mgbane.+
15 Mmafa adwenle ɛtane ɛkɔbu ɛsia ɛleka mɔɔ bikye tenlenenli sua nu la;Mmasɛkye ɛleka mɔɔ ɔdie ɔ menle la.
16 Ɔluakɛ tenlenenli bahola adɔ aze fane nsuu, na ɔbadwazo bieko,+Noko munzule bamaa amumuyɛnli akpo aze.+
17 Saa wɔ kpɔvolɛ tɔ aze a, mmamaa ɛ nye die,Yɛɛ saa ɔkpula a, mmamaa wɔ ahonle di fɛlɛko;+
18 Anrɛɛ Gyihova banwu ye na ɔ nye ɛnrɛlie nwolɛ,Na Ɔbaye ye ɛya ne yeavi ɔ* nwo zo.+
19 Mmagyegye ɛ nwo* wɔ ɛtanevolɛma anwo;Mmamaa ɛ nye bolo amumuyɛma,
20 Ɔluakɛ amumuyɛnli ɛnlɛ anyelazo;+Amumuyɛma kɛnlaneɛ banlu.+
21 Me ra, sulo Gyihova nee belemgbunli ne.+
Yɛɛ ɛ nee atuadelɛma* mmatu,+
22 Ɔluakɛ bɛ amaneɛnwunlɛ bara arɛlevilɛ nu.+
Nwane a ze ɛzɛkyelɛ mɔɔ bɛ mu nwiɔ* bɛbava bɛara bɛ nwo zo a?+
23 Edwɛkɛ ɛhye noko vi nrɛlɛbɛvolɛma:
Sonla nyunlu ɛnleanlɛ* wɔ ndɛnebualɛ nu ɛnle kpalɛ.+
24 Awie biala mɔɔ ka kile amumuyɛnli kɛ, “Ɛle tenlenenli” la,+
Menli bawa ye amonle yɛɛ maanle maanle babua ye fɔlɛ.
25 Noko ɔbawie bɛdabɛ mɔɔ bɛtwi ɔ nyunlu la boɛ;+Ninyɛne mgbalɛ nwo nyilalɛ bara bɛ nwo zo.+
26 Menli bavo sonla mɔɔ maa mualɛ nɔhalɛ nu la anloa anwo.*+
27 Yɛ wɔ alienwo gyima nwo ngyehyɛleɛ, na boɔboa debie biala anloa wɔ wɔ ɛya nu;Na akee si wɔ sua* ne.
28 Mmadi daselɛ ɛtia ɛ gɔnwo wɔ mekɛ mɔɔ ɛnlɛ ngyinlazo biala la.+
Mmafa ɛ nloa ɛbɛlɛbɛla awie mɔ.+
29 Mmaka kɛ: “Mebava mɔɔ yeva yeyɛ me la bie meayɛ ye;Mebadua ye kakɛ wɔ mɔɔ yeyɛ la anwo.”*+
30 Menzenle mgbovonle sonla ɛya nwo,+Nee sonla mɔɔ ɛnlɛ adwenle* la vanye egyinli nwo.
31 Menwunle kɛ ndile ɛva ye;Mbowule ɛheda azɛlɛ ne azo,Yɛɛ awolɛ mɔɔ yeva yelie bane ne la ɛbubu ɛgua aze.+
32 Meneanle ɛhye na menvale menziele me ahonle nu;Menwunle ye na menzukoale ɛhye:*
33 Nafelɛ ekyi, ngɔsɔkɛbɔlɛ ekyi,Ɛsalɛ mɔɔ bɛto bɛbɛka nu kɛ bɛdie bɛ menle ekyi la,
34 Bamaa wɔ ehyia ara kɛ awule,Na ɛ nwo ahyele wɔ kɛ sonla mɔɔ fa etu kɔ awule la.+
Ɔbodwɛkɛ
^ Anzɛɛ “bɛkyekye awuke.”
^ Anzɛɛ “nrɛlɛbɛ adenle.”
^ Anzɛɛ “maa ɔwie boɛ; bɛnyia ngoanelielɛ.”
^ Anzɛɛ “Adwenle mɔɔ koasea kɛbɔ la.”
^ Anzɛɛ “ngyegyelɛ.”
^ Anzɛɛ “adwenle nzuzulɛ.”
^ Anzɛɛ “wɔ ɛkɛla zo.”
^ Hibulu aneɛ nu, “kenle bie.”
^ Ɛhye kile, kpɔvolɛ ne.
^ Anzɛɛ “Mmafa ɛya.”
^ Anzɛɛ “menli mɔɔ kpondɛ nzenzaleɛ la.”
^ Ɛhye kile, Gyihova nee belemgbunli ne.
^ Anzɛɛ “Moguazo ɛlilɛ.”
^ Anzɛɛ ɔkola ɔkile, “Mualɛ fɔɔnwo ɛmaanlɛ le kɛ ɛlɛfo awie anloa anwo la.”
^ Anzɛɛ “kyekye wɔ awuke.”
^ Anzɛɛ “Me sa baha ye.”
^ Hibulu aneɛ nu, “ɛnze nrɛlɛbɛ.”
^ Hibulu aneɛ nu, “Menvale ɛdenrɛdenrɛlɛ ne:”
