Ayezaya 25:1-12
25 O Gyihova, ɛle me Nyamenle.
Mekpogya wɔ zo, meye wɔ duma ayɛlɛ,Ɔluakɛ wɔyɛ nwanwane ninyɛne,+Ninyɛne mɔɔ ɛbɔle nwolɛ kpɔkɛ ɔvi tete ne la,+Ɛyɛ nɔhalɛ+ na yera nu.
2 Wɔmaa suakpole bie ɛhakyi awolɛ edukue,Wɔmaa sua mɔɔ bɛhye nwolɛ bane la ɛzɛkye bɔkɔɔ.
Ɛyɛvolɛ tawa ne ɛnle suakpole bieko;Bɛnrɛkyekye ye bieko ɛlɛ.
3 Ɛhye ati menli mɔɔ anwo yɛ se la bawula wɔ anyunlunyia;Yɛɛ maanle maanle mɔɔ ati yɛ se la suakpole ne bazulo wɔ.+
4 Ɔluakɛ wɔyɛ aranemgbole wɔmaa koahweabanema,Wɔyɛ aranemgbole wɔmaa ehyianli wɔ ye anwongyelelɛ nu,+Ahumu mekɛ nu feabelɛ,Yɛɛ alubo wɔ ewia mekɛ nu.+
Mekɛ mɔɔ atisesebɛma ɛya ne kɛyɛ kɛ ahumu mɔɔ tia bane la,
5 Ɛmaa nyɛvolɛ dede ka aze,Kɛ mɔɔ ɛmaa wuluwulu ka aze wɔ azɛlɛ resee zo la.
Kɛ mɔɔ amungu ne alubo maa wuluwulu ka aze la,Zɔhane ala a wɔmaa atisesebɛma edwɛne ne ɛgyakyi a.
6 Ɛlɔne Gyihova bado menli kɔsɔɔti ɛkponle wɔ boka+ ɛhye azo,Ɔbava aleɛ kpalɛ,+Nwanye kpalɛ,*Aleɛ kpalɛ nee nane mɔɔ ɛlɔ,Yɛɛ nwanye kpalɛ mɔɔ bɛzonyi zo la a yeado a.
7 Wɔ boka ɛhye azo, ɔbaye* ɛdanlɛ ne mɔɔ heda menli ne amuala anwo zoNee aguzo ne mɔɔ bɛnwo bɛheda maanle maanle ne amuala azo la yeavi ɛkɛ.
8 Ɔbame* ewule bɔkɔɔ,+Na Tumivolɛ Awulae Gyihova bakyikyi awie biala anye anwo monle.+
Ɔbaye ye menli ne anwo anyiemgba yeavi azɛlɛ ye amuala azo,Ɔluakɛ Gyihova mumua ne a ɛha a.
9 Kenle zɔhane bɛbaha kɛ:
“Nea! Yɛ Nyamenle ne ɛne!+
Yɛ nye la ɔ nwo zo,+Na ɔbalie yɛ.+
Gyihova ɛne!
Yɛ nye la ɔ nwo zo.
Bɛmaa yɛ nye ɛlie na yɛli fɛlɛko wɔ ye ngoanelielɛ ne anu.”+
10 Ɔluakɛ Gyihova asa bala boka ɛhye azo,+Na bɛbatietia Mowabe anwo zo wɔ ɔ bo zo ne+Kɛ ndile mɔɔ bɛtietia zo bɛyɛ ye ewula edukue la.
11 Ɔbatoto ɔ sa wɔ nuKɛ awie mɔɔ ɛlɛweɛ azule toto ɔ sa la,Na ɔbatoto ɔ sa kɛnlɛmaYeava yeaha ye anwomemaazo ne aze.+
12 Na ɔbamaa suakpole ne mɔɔ bɛhye nwolɛ nee wɔ banebɔlɛ bane ndendenle ne mɔ,Aha agua aze;Ɔbabubu ye yeagua aze wɔ ndɛtɛlɛ ne anu.
