Ayezaya 57:1-21
57 Tenlenenli abo zo ɛminli,Noko ɔnvale awie biala anwo.
Bɛfa nɔhavoma bɛkɔ,*+Noko awie biala ɛnnwu ye kɛ bɛva tenlenenli ne bɛhɔAmaa munzule ando ye.*
2 Ɔkɔ anzodwolɛ nu.
Bɛdabɛ mɔɔ bɛlua tenleneyɛlɛ nu la amuala die bɛ menle wɔ bɛ ɛkpa zo.*
3 “Bɛmɛ raalɛ silikyevolɛ amra,Bɛmɛ raalɛ agyalɛ sɛkyevolɛ nee tuutuunli amra,Bɛbikye me:
4 Nwane a bɛlɛgolo ɔ nwo a?
Nwane a bɛbuke bɛ nloa wanaanwo na bɛtwe bɛ tafinlima bɛkile ye a?
Asoo bɛnle mɛladonlɛ mralɛ,Mɛlɛbɛla mralɛ,+
5 Menli mɔɔ nyia nla nwo atiakunluwɔzo wɔ mbaka mgbole avinli,+Wɔ mbaka buzuu biala abo,+Na bɛku bɛ mra wɔ mbɔnza ne mɔ anu,*+Nee bodane adokule nu la ɔ?
6 Bɔnza* nu awolɛ anwo tonlotonlo le wɔ kyɛfoa.+
Ɛhɛe, ɛhye mɔ a ɛbanyia a.
Ɛwola nza ɛgua ɛbɔ afɔle ɛmaa bɛ na ɛkyɛ bɛ ninyɛne.+
Asoo ɔwɔ kɛ me kunlu dwo ninyɛne ɛhye mɔ anwo?*
7 Ɛvale wɔ ɛkpa ɛziele boka tendenle kpole zo,+Na ɛhɔbɔle afɔle wɔ ɛkɛ.+
8 Ɛvale wɔ ananze sɛkɛlɛneɛ ne ɛziele anlenkɛ ne nee felɛmo ne anzi.
Ɛgyakyile me na ɛyele ɛ nwo ɛdole zo;Ɛvole zo na ɛdɛlɛle wɔ ɛkpa ne anu.
Na ɛ nee bɛ yɛle ngyekyeleɛ.
Ɛhulole bɛ ɛkpa zo ɛlalɛ,+Na ɛnleanle bɛ mrenyianu.*
9 Ɛvale nwole nee anatele dɔɔnwoƐhɔle Mɛlɛke* ɛkɛ.
Ɛzoanle soanvolɛma wɔ moamoa,Too ɛdwule Nla* nu.
10 Wɔ ndenle dɔɔnwo ne maanle ɛvɛle,Noko wɔanga kɛ, ‘Ɔle ɛvɛlɛ mgbane!’
Ɛnyianle anwosesebɛ fofolɛ.
Ɛhye ati a ɛngyakyi la.*
11 Nwane a maanle wɔ ahonle dule na ɛzuloleMɔɔ ɔti ɛbɔle ɔ bo kɛ ɛbɔ adalɛ a?+
Wɔangakye me.+
Wɔanva ɛhwee wɔanzie wɔ ahonle nu.+
Asoo metɛyɛle koonwu mɔɔ menga nwolɛ edwɛkɛ ɔ?*+
Wɔanzulo me.
12 Mebamaa wɔanwu wɔ ‘tenleneyɛlɛ’+ nee wɔ gyima,+Na ɛnrɛnyia nvasoɛ wɔ zo.+
13 Saa ɛsu kɛ ɛkpondɛ moalɛ a,Wɔ ananze ne mɔ mɔɔ wɔboɔboa bɛ nloa la ɛnrɛlie wɔ.+
Anwoma bapia bɛ muala ahɔ,Ɛnwomenle mgbane babɔ bɛ muala ahɔ,Noko awie mɔɔ kɛkpondɛ feabelɛ wɔ me nu la banyia azɛlɛ neNa yeadɛnla me boka nwuanzanwuanza ne azo.+
14 Bɛbaha kɛ, ‘Bɛdu adenle, bɛdu adenle! Bɛziezie adenle ne!+
Bɛye debie biala mɔɔ si adenle la bɛvi me menli ne adenle nu.’”
15 Ɔluakɛ edwɛkɛ mɔɔ Ahenle Mɔɔ KpogyaNa ɔde aze dahuu,+ na ye duma a le nwuanzanwuanza la ɛha la ɛne:+
“Mede anwuma nee ɛleka nwuanzanwuanza,+Noko eza me nee menli mɔɔ anwo ɛbubu bɛ nee bɛlɛvoma a de a,Kɛ memaa bɛlɛvoma sunsum ayɛ seNa meamaa menli mɔɔ anwo ɛbubu bɛ la ahonle agyinla.+
16 Menrɛdwazo menrɛtia bɛ dahuuYɛɛ menrɛva bɛ nwo ɛya dahuu;+Ɔluakɛ medame ti sonla sunsum babɛlɛ aze,+Abɔdeɛ mɔɔ die ɛnwomenle mɔɔ mebɔ bɛ bɔbɔ la.
17 Menvale nvasoɛ ɛtane mɔɔ ɔkpondɛle ye amumuyɛ nu la anwo ɛya,+Yemɔti membɔle ye, menvale me nyunlu menveale ye, na menvale ɛya.
Noko ɔhɔle zo ɔdele atua+ na ɔlile ye ahonle nzi.
18 Menwu ye ndenle ne mɔ,Noko mebayɛ ye ayile+ na meahile ye adenle+Na meazia meakyekye ɔdaye nee ye menli mɔɔ ɛlɛdi nyane la arɛle.”+
19 Gyihova se, “Melɛbɔ ɛnloanlɛ mɔɔ ye ayɛlɛ la.
Awie mɔɔ wɔ moamoa nee mɔɔ bikye la banyia anzodwolɛ dahuu,+Yɛɛ mebayɛ ye ayile.”
20 “Noko amumuyɛma le kɛ nyevile mɔɔ ɛlɛtu na ɔngola ɔngua dii,Na nuhua nzule ne pia ndile nee ndɛtɛlɛ la.”
21 Me Nyamenle ne se, “Anzodwolɛ ɛnle ɛkɛ ɛmmaa amumuyɛma.”+
Ɔbodwɛkɛ
^ Ɛhye kile, ewule fa ye kɔ.
^ Anzɛɛ ɔkola ɔkile, “Amaa yeavi munzule nu.”
^ Ɛhye kile, nla ne anu.
^ Anzɛɛ “wɔ azudenle ne mɔ anloa.”
^ Anzɛɛ “Azudenle.”
^ Anzɛɛ “memaa ninyɛne ɛhye mɔ kyekye me rɛle?”
^ Ɔbayɛ kɛ ɔfale awozonle ɛzonlenlɛ nwo.
^ Anzɛɛ ɔkola ɔkile, “belemgbunli ne.”
^ Anzɛɛ “Sheol,” ɛhye kile, alesama nla. Nea Edwɛkɛbohilelɛ.
^ Hibulu aneɛ nu, “ɛnvɛ la.”
^ Anzɛɛ “na metɛkedale edwɛkɛ ne azo ɔ?”
