Ayezaya 58:1-14
58 “Tea nu kpole; mmatwenlehwenle ɛ bo aze!
Ma ɛ ne zo kɛ aweɛne la.
Ka me menli ne atuadelɛ ne kile bɛ,+Na ka Gyekɔbo abozoamra ɛtane ne mɔ kile bɛ.
2 Bɛkpondɛ me dahuu,Bɛkulo kɛ bɛnwu me ndenle ne mɔ,Kɛ asɛɛ bɛle maanle mɔɔ bɛbɔ tenlene ɛbɛlaNa bɛtɛkpole bɛ Nyamenle ne pɛlepɛlelilɛ ne la.+
Bɛka bɛkile me kɛ membua ndɛne fɔɔnwo,Bɛkulo kɛ bɛbikye Nyamenle.+
3 Bɛbiza kɛ, ‘Duzu ati a yɛkye ɛhɔne a ɛnnwu ye ɛ?+
Na duzu ati a yɛkile yɛ nwo* nyane a ɛnnwu ye ɛ?’+
Ɔluakɛ kenle mɔɔ bɛlɛkye ɛhɔne la, bɛyɛ mɔɔ bɛdabɛ bɛkulo* la,Na bɛsisi bɛ gyimayɛvoma.+
4 Bɛ ɛhɔnehyelɛ kɔwie butule nee konle nu,Na bɛto kɛlɛ wɔ amumuyɛ nu.
Bɛnrɛhola bɛnrɛhye ɛhɔne kɛ mɔɔ bɛlɛyɛ ye ɛnɛ la na bɛnrɛde bɛ ne wɔ anwuma.
5 Asoo kɛ ɛhɔnehyelɛ mɔɔ me nye die nwo la ɔwɔ kɛ yɛ la ɛne?Asoo ɔwɔ kɛ ɔyɛ kenle mɔɔ awie kɛhile ɔ nwo* nyane,Ɔkɛzi ɔ ti aze kɛ ndile,Na ɔkɛva ɛrele nee nzonle ɔkɛyɛ ɛkpa ɔkɛla zo la ɔ?
Asoo ɛhye a bɛfɛlɛ ye ɛhɔnehyelɛ nee kenle mɔɔ Gyihova anye die nwo la?
6 Kyɛkyɛ, ɛhɔnehyelɛ mɔɔ me nye die nwolɛ la ɛne:
Kɛ bɛkɛye amumuyɛyɛlɛ kyeenyi ne mɔ,Na bɛkɛzanyizanyi gyɛnvayile nyɛma ne mɔ,+Bɛkɛgyakyi menli mɔɔ bɛlɛsisi bɛ la,+Na bɛkɛbubu gyɛnvayile biala anu;
7 Yemɔ a le kɛ ɛkɛmaa mɔɔ ɛhɔne ɛlɛku ye la wɔ aleɛ ne bie,+Ɛkɛva ehyiavolɛma nee menli mɔɔ ɛnlɛ dabelɛ la ɛkɛhɔ wɔ sua nu,Saa ɛnwu awie mɔɔ lɛ ɔ nwo zɔ a, ɛkɛmaa ye ɛdanlɛ,+Yɛɛ ɛnrɛhakyi ɛ nzi ɛnrɛzi wɔ mbusuafoɔ.
8 Akee wɔ wienyi ne bada kɛ aleɛbahye la,+Na bɛayɛ wɔ ayile ndɛndɛ.
Wɔ tenleneyɛlɛ ne bali ɛ nyunlu,Na Gyihova anyunlunyia ne ali ɛ nzi.+
9 Akee ɛbavɛlɛ, na Gyihova balie zolɛ;Ɛbazu wɔakpondɛ moalɛ, na ɔbaha kɛ, ‘Mewɔ ɛke!’
Saa ɛye gyɛnvayile ne ɛfi wɔ nuNa ɛgyakyi kɛ ɛkɛdende ɛ sa nee tendɛtia,+
10 Saa ɛmaa mɔɔ ɛhɔne ɛlɛku ye la mɔɔ ɛdawɔ ɛkulo* la bie+Na ɛmaa menli* mɔɔ ɛlɛdi nyane la akunlu dwo bɛ nwo a,Akee wɔ wienyi ne bada wɔ awozinli nu bɔbɔ,Na wɔ awozinli kabii ne ayɛ kɛ ewiazo la.+
11 Gyihova bali ɛ nyunlu dahuuNa yeamaa ɛ kunlu* adwo wɔ azɛlɛ resee bɔbɔ azo;+Ɔbamaa wɔ mbowule nu ayɛ se,Na ɛbayɛ kɛ tola mɔɔ nzule dɔɔnwo wɔ nu la,+Na wɔayɛ kɛ nzubula mɔɔ nuhua nzule ɛnsesa ɛlɛ la.
12 Ɛdawɔ ti, bɛbakyekye tete azua mɔɔ ɛzɛkye la,+Na wɔayɛ awolɛndoazo dɛba ne mɔ adiabo ne mɔ boɛ.+
Bɛbavɛlɛ wɔ kɛ ɛle sonla mɔɔ yɛ bane mɔɔ ɛbubu* la boɛ,+Nee sonla mɔɔ yɛ ndenle mɔɔ bɛtɛnla nwolɛ la boɛ la.
13 Saa Ɛnwomenlelielɛ kenle ne ati, wɔanli ninyɛne mɔɔ ɛkulo* la anzi* wɔ me kenle nwuanzanwuanza ne+Na ɛfɛlɛ Ɛnwomenlelielɛ kenle ne kɛ ɔle anyelielɛ kpole, Gyihova kenle nwuanzanwuanza, kenle mɔɔ ɔwɔ kɛ bɛwula ye anyunlunyia,+Na ɛwula ye anyunlunyia na wɔanyɛ mɔɔ ɛkulo na wɔanga edwɛkɛ mɔɔ le mgbane la a,
14 Akee ɛbanyia anyelielɛ kpole wɔ Gyihova anu,Na mebamaa wɔaluolua azɛlɛ ye azo awoka mgbole nee ngyikyi zo.+
Mebamaa wɔali wɔ nenyia Gyekɔbo agyapadeɛ ne bie,+Ɔluakɛ Gyihova anloa edwɛkɛ ɔ.”
Ɔbodwɛkɛ
^ Anzɛɛ “yɛ ɛkɛla.”
^ Anzɛɛ “bɛ nye die nwo.”
^ Anzɛɛ “ye ɛkɛla.”
^ Anzɛɛ “ɛkɛla.”
^ Anzɛɛ “bɛ ɛkɛla kulo.”
^ Anzɛɛ “bɛ ɛkɛla akunlu.”
^ Hibulu aneɛ nu, “ɛgyigya.”
^ Anzɛɛ “ɛ nye die nwo.”
^ Hibulu aneɛ nu, “ɛtwe ɛ gyakɛ ɛsia wɔ ninyɛne mɔɔ ɛkulo la anwo.”
