Dwobu 35:1-16
35 Ɛlaehu doale ye edwɛkɛ ne azo kɛ:
2 Ɛdie ɛ nwo ɛdi somaa la ati, asoo wɔ edwɛkɛ yɛ fɛ kɛ ɛkɛha kɛ,‘Mele tenlene metɛla Nyamenle’ ɔ?+
3 Ɔluakɛ wɔha kɛ, ‘Asoo ɛhye fale ɛ nwo?
Saa menyɛle ɛtane a, anrɛɛ me tɛnlabelɛ ne bayɛ kpalɛ adɛla ɛhye ɔ?+
4 Mebabua wɔNee ɛ gɔnwo mɔ+ mɔɔ boka ɛ nwo la.
5 Maa ɛ nye zo na nea anwuma,Nea amungu ne mɔ+ mɔɔ bɛwɔ anwuma bɛtɛla wɔ la.
6 Saa ɛyɛ ɛtane a, kɛzi ɛmaa ɔdi nyane ɛ?+
Saa wɔ mɛladonlɛ so a, duzu a ɛfa ɛyɛ ye a?+
7 Saa ɛle tenlenenli a, duzu a ɛfa ɛmaa ye a;Duzu a ɔnyia ye ɔfi wɔ ɛkɛ a?+
8 Wɔ amumuyɛ ne mɔ ka sonla mɔɔ le kɛ ɛdawɔ la ala,Yɛɛ wɔ tenleneyɛlɛ ne ka sonla ra ala.
9 Saa nzisi yɛ kpole a, menli su kpondɛ moalɛ;Bɛsu kɛ bɛlie bɛ bɛvi mgbolema tumi* bo.+
10 Noko awie ɛnga kɛ, ‘Nienwu a Nyamenle, me Yɛvolɛ Kpole ne,+Ahenle mɔɔ maa bɛto edwɛne nɔɔzo la wɔ a?+
11 Ɔkilehile yɛ+ ɔtɛla azɛlɛ ye azo nane,+Yɛɛ ɔmaa yɛyɛ nrɛlɛbɛvolɛma yɛtɛla anwomanyunlu nloma.
12 Menli su kpondɛ moalɛ, noko ɔnlie zo,+Ɔlua amumuyɛma anwomemaazo ne ati.+
13 Nɔhalɛ nu, Nyamenle ɛndie ɛzunlɛ mgbane mgbane;*+Tumivolɛ Bedevinli ne ɛnva ye adwenle ɛngɔ zolɛ.
14 Ɛnee fane nyɛ a, ɛkɛha kɛ ɛnnwu ye a!+
Wɔ edwɛkɛ ne la ɔ nyunlu, ɔti ɔwɔ kɛ ɛkendɛ ye ɛsesebɛ.+
15 Ɔluakɛ yeanva ɛya yeambu mgbonda;Yɛɛ yeanva ye adwenle yeangɔ wɔ edwɛkɛ ne mɔɔ wɔandwenle nwolɛ la azo.+
16 Dwobu buke ɔ nloa anu wanaanwo mgbane,Ɔka edwɛkɛ dɔɔnwo mɔɔ nrɛlɛbɛ biala ɛnle nu a.”+
