“Zɔhane ala a ɔwɔ kɛ kunlima kulo bɛ ye mɔ kɛ bɛ nwo a. Nrenyia mɔɔ kulo ɔ ye la kulo ɔdaye ɔ nwo, ɔluakɛ awie biala ɛmkpɔ ye sonlabaka ne, emomu ɔdi ye adane na ɔnea ye boɛ . . . Ɔwɔ kɛ bɛ nuhua ko biala kulo ɔ ye kɛ ɔdaye ɔ nwo la.”

Ɛfɛsɛsema 5:28, 29, 33

“Selɛma, bɛmmaka bɛ mra ɛya, emomu bɛhɔ zo bɛva Gyihova folɛdulɛ nee ye ngilehilelɛ bɛtete bɛ.”

Ɛfɛsɛsema 6:4

“Ɔwɔ kɛ . . . yelɛ noko nyia ɛbulɛ kpole maa ɔ hu.”

Ɛfɛsɛsema 5:33

“Yelɛma, bɛbɛlɛ bɛ nwo aze bɛmaa bɛ hu mɔ kɛ mɔɔ ɔfɛta wɔ Awulae anu la.”

Kɔlɔsaema 3:18

“Ngakula, bɛdie bɛ awovolɛ wɔ Awulae ati, ɔluakɛ ɛhye a le kpalɛ wɔ Nyamenle anye zo a. ‘Di wɔ papa nee wɔ mame eni’ a le mɛla mɔɔ limoa mɔɔ ɛwɔkɛ wɔ nwo a: ‘Amaa yeawie wɔ boɛ na wɔahyɛ azɛlɛ ye azo.’”

Ɛfɛsɛsema 6:1-3

“Ngakula, bɛdie bɛ awovolɛ wɔ debie biala anu, ɔluakɛ ɛhye a sɔ Awulae anye a.”

Kɔlɔsaema 3:20