Faarfannaa 112:1-10
112 Yaahiin jajadhaa!*+
א [Aleef]
Namni Yihowaa sodaatu,+ב [Beet]Namni ajajawwan isaa baayʼee jaallatus gammadaa dha.+
ג [Giimel]
2 Sanyiiwwan isaa lafa irratti jajjaboo taʼu,ד [Daalet]Dhaloonni nama qajeelaa ni eebbifama.+
ה [Hii]
3 Qabeenyii fi badhaadhinni mana isaa keessa jiru,ו [Waaw]Qajeelummaan isaas bara baraaf itti fufa.
ז [Zaayin]
4 Inni nama qajeelaadhaaf akkuma ibsaa dukkana keessaa ifuutti ni ibsa.+
ח [Heet]
Inni gara laafessa,* araara qabeessaa+ fi qajeelaa dha.
ט [Teet]
5 Namni arjummaadhaan* liqeessu gaarii isaaf ni taʼa.+
י [Yood]
Dhimmoota isaa haqaan ni raawwata.
כ [Kaaf]
6 Inni matumaa hin raafamu.+
ל [Laamed]
Namni qajeelaan bara baraaf yaadatama.+
מ [Meem]
7 Oduu hamaa hin sodaatu.+
נ [Nuun]
Yihowaatti waan amanamuuf, garaan isaa cimaa dha.+
ס [Saamek]
8 Garaan isaa hin raafamu;* inni hin sodaatu;+ע [Ayiin]Dhuma irrattis miira injifannootiin diinota isaa ilaala.+
פ [Pee]
9 Inni balʼinaan* raabseera; hiyyeeyyiidhaafis kenneera.+
צ [Tsadee]
Qajeelummaan isaa bara baraaf itti fufa.+
ק [Qoof]
Jabinni* isaa ulfinaan ol ni kaafama.
ר [Reesh]
10 Inni hamaan kana argee ni aara.
ש [Shiin]
Ilkaan isaa ni qarata, baqees ni bada.
ת [Taaw]
Hawwiin hamootaa ni bada.+
Miiljaleewwan
^ Ykn., “Halleeluyaah!” Jechi, “Yaah” jedhu maqaan Yihowaa yommuu gabaabaatti barreeffamu dha.
^ Ykn., “arjaa.”
^ Ykn., “gaarummaadhaan.”
^ Ykn., “kutataa dha; cimaa dha.”
^ Ykn., “arjummaadhaan.”
^ Kal., “Gaanfi.”
