Faarfannaa 132:1-18
Faarfannaa Ol Baʼuu.
132 Yaa Yihowaa, Daawitiin,Rakkina isaa hundumaas,+
2 Inni akkamitti Yihowaadhaaf akka kakate,Akkamitti akkana jedhee isa Humna Qabeessa kan Yaaqoobiif wareega akka wareege yaadadhu:+
3 “Ani gara dunkaana koo isa mana koo taʼetti hin seenu.+
Siree koo isa iddoo ciisichaa koo taʼe irra hin ciisu;
4 Ijji koo akka rafu,Qolli ija kootiis akka mugu hin heyyamu;
5 Kunis Yihowaadhaaf iddoo,Isa Humna Qabeessa kan Yaaqoobiif bakka jireenyaa gaarii* hamman argadhutti.”+
6 Kunoo, Efraataa+ keessatti waaʼee isaa* dhageenyeerra;Dirreewwan bosonaa keessattis isa arganneerra.+
7 Kottaa gara iddoo jireenyaa isaatti* haa seennu;+Iddoo ejjeta miila isaattis haa sagannu.+
8 Yaa Yihowaa, atis taate Taabonni jabina keetii,+Gara iddoo boqonnaa keetti dhufuuf kaʼaa.+
9 Luboonni kee qajeelummaa haa uffatan,Warri siif amanamoo taʼanis haa ililchan.
10 Tajaajilaa kee Daawitiif jedhiitiiIsa dibde sana hin dhiisin.*+
11 Yihowaan Daawitiif kakateera;Inni matumaa isa akkana jedhee dubbate raawwachuu irraa duubatti hin jedhu:
“Ani sanyii* kee keessaa isa tokkoTeessoo kee irra nan kaaʼa.+
12 Ilmaan kee kakuu koo fiYaadachiisawwan koo warra ani isaan barsiisu yoo eegan,+Ilmaan isaaniisBara baraaf teessoo kee irra ni taaʼu.”+
13 Yihowaan Xiyooniin filateera;+Akkana jechuudhaanis iddoo jireenyaa isaa akka taatu kan barbaadu taʼuu isaa ibseera:+
14 “Kun bara baraaf iddoo boqonnaa koo ti;Fedhii koo waan taʼeef, as nan jiraadha.+
15 Wantoota barbaachisan ishiidhaaf kennuudhaan baayʼisee ishii nan eebbisa;Hiyyeeyyii ishii nyaata nan quubsa.+
16 Luboota ishiitti fayyina nan uwwisa,+Warri amanamoon ishii keessa jiranis ni ililchu.+
17 Achitti jabinni* Daawit akka guddatu nan godha.
Isan dibe sanaafis ibsaa qopheesseera.+
18 Diinota isaatti qaanii nan uwwisa,Gonfoon mataa isaa irra jiru garuu ni dagaaga.”+
Miiljaleewwan
^ Ykn., “godoo qulqulluu isa guddaa.”
^ Kun Taaboticha kan argisiisu fakkaata.
^ Ykn., “godoo qulqulluu isaa isa guddaatti.”
^ Kal., “Fuula isa dibde sanaa hin garagalchin.”
^ Kal., “firii gadameessaa.”
^ Kal., “gaanfi.”
