Faarfannaa 4:1-8
Geggeessaa muuziqaatiif; meeshaawwan muuziqaa ribuu qabaniin kan faarfatamu. Faarfannaa Daawit.
4 Yaa Waaqa koo isa qajeelaa,+ yeroon si waammadhu deebii naaf kenni.
Yeroo dhiphina kootti karaan itti miliqu* naaf qopheessi.
Gaarummaa natti argisiisi, kadhannaa koos dhagaʼi.
2 Yaa ilmaan namootaa, isin hamma yoomiitti ulfina koo gara salphinaatti jijjiirtu?
Wanta gatii hin qabne kan jaallattan, wanta soba taʼes kan barbaaddan hamma yoomiitti? (Seelaa)
3 Yihowaan isa isaaf amanamaa taʼe karaa adda taʼeen akka qabu* beekaa;Yeroon isa waammadhu Yihowaan na dhagaʼa.
4 Dheekkamaa, garuu cubbuu hin hojjetinaa.+
Wanta dubbattan siree keessan irra utuu jirtanii garaa keessanitti dubbadhaa; calluma jedhaas. (Seelaa)
5 Aarsaawwan qajeelummaa dhiheessaa,Yihowaattis amanamaa.+
6 Namoonni hedduun, “Eenyutu wanta gaarii nutti argisiisa?” jedhu.
Yaa Yihowaa, ifni fuula keetii nu irratti haa ifu.+
7 Ati warra oomisha midhaanii fi wayinii haaraa hedduu galfatan caalaa,Garaa koo gammachuu guddaadhaan guutteetta.
8 Yaa Yihowaa, tasgabbiidhaan akkan jiraadhu kan godhu si qofa waan taʼeef,+Ani nagaadhaan nan ciisa, nan rafas.+
