Isaayyaas 9:1-21
9 Haa taʼu malee, dimimmisni sun akka yeroo biyyattiin dhiphattee turte sanaa, akka bara durii yeroo biyyi Zaabiloonii fi biyyi Niftaalem tuffatamanii turan sanaa hin taʼu.+ Yeroo booda garuu inni* biyyichi jechuunis daandiin galaanichatti geessu, Galiilaan sabootaa inni naannoo Yordaanos keessatti argamu ulfina akka argatu ni godha.
2 Uummanni dukkana keessa deemaa ture,Ifa guddaa arge.
Warri biyya gaaddisa cimaa keessa jiraachaa turanisIfni isaan irratti ni ife.+
3 Ati sabicha baayʼisteetta;Gammachuun isaaniis guddaa akka taʼu gooteetta.
Akkuma namoonni yeroo makaraatti gammadanitti,Akkuma namoota gammachuudhaan boojuu hirataniittisIsaan si duratti ni gammadu.
4 Sababiin isaas, akkuma guyyaa Miidiyaanitti taʼetti,+Ati waanjoo* baʼaa isaanii,Ulee gateettii isaanii irra jiruu fi harcummee nama isaan hojjechiisu sanaa caccabsiteetta.
5 Kopheen yeroo duulaatti lafa sochoosu hundi,Uffanni dhiigaan laaqame hundisIbiddaan ni nyaatama.
6 Mucaan nuuf dhalateera,+Ilmi nuuf kennameera;Bulchiinsi* gateettii isaa irra ni taʼa.+
Maqaan isaas, Gorsaa Dinqii,+ Waaqa Jabaa,+ Abbaa Bara Baraa, Bulchaa Nagaa jedhama.
7 Teessoo Daawitii+ fi mootummaa isaa irratti,Badhaadhinni bulchiinsa* isaa,Nagaan isaas dhuma hin qabaatu;+Ammaa jalqabee bara baraaf,Haqaa+ fi qajeelummaadhaan+Cimee ni dhaabbata,+ ni jiraatas.
Hinaaffaan Yihowaa Gooftaa Raayyaa kana ni godha.
8 Yihowaan Yaaqoob irratti labsii ergeera,Kunis Israaʼel irratti dhufeera.+
9 Guutummaan sabichaa,Efreemii fi jiraattonni SamaariyaaWarri of tuulummaa isaaniitiin, akkasumas garaa isaanii isa addaggee taʼeen kan kaʼe akkana jedhan isa ni hubatu:
10 “Xuubiiwwan diigamaniiru,Nuti garuu dhagoota bocamaniin ni ijaarra.+
Mukeetiin harbuu muramaniiru,Nuti garuu mukeetii gaattiraatiin bakka buusna.”
11 Yihowaan hamajaajota Reezin isa irratti ni kaasa,Tarkaanfii akka irratti fudhataniifis diinota isaa ni kakaasa;
12 Kallattii bahaa irraa Sooriyaa, kallattii dhihaa irraa* immoo Filisxeemota isa irratti ni fida,+Isaanis afaan bananii Israaʼeliin ni liqimsu.+
Kana hundumaatiin kan kaʼes, dheekkamsi isaa hin qabbanoofne,Kanaa mannaa, harki isaa rukutuuf akkuma diriirfametti jira.+
13 Sababiin isaas, sabichi gara isa isaan rukutetti hin deebine,Yihowaa Gooftaa Raayyaa hin barbaaddanne.+
14 Yihowaan Israaʼel keessaa guyyaa tokkotti,Mataa fi eegee, biqiltuu reefuu baatee fi citaa* ni kuta.+
15 Maanguddoonii fi namni kabajamaan mataa dha,Raajiin barumsa sobaa barsiisus eegee dha.+
16 Warri saba kana geggeessan asii fi achi akka jooran isaan godhu,Warri geggeeffamanis burjaajaʼaniiru.
17 Yihowaan dargaggoota isaaniitti kan hin gammanne kanaafi,Inni ijoollee isaanii warra abbaa hin qabnee* fi dubartoota isaanii warra abbaan manaa irraa duʼeef garaa hin laafu,Sababiin isaas, hundi isaanii gantootaa fi hammina kan raawwatani dha,+Afaan hundis wanta gatii hin qabne dubbata.
Kana hundumaatiin kan kaʼes, dheekkamsi isaa hin qabbanoofne,Kanaa mannaa, harki isaa rukutuuf akkuma diriirfametti jira.+
18 Sababiin isaas, hamminni akkuma ibiddaa ni bobaʼa,Harangamaa fi aramaas ni nyaata.
Tusiiwwan* bosonaa irratti ibidda ni qabsiisa,Isaanis duumessa aaraa taʼanii ol ni baʼu.
19 Aarii guddaa Yihowaa Gooftaa RaayyaatiinBiyyattiin ibiddaan gubachaa jirti,Namoonnis ibiddichaaf qoraan ni taʼu.
Namni obboleessa isaatiif illee hilu hin jiraatu.
20 Inni tokko karaa mirgaatiin ni mura,Garuu amma iyyuu ni beelaʼa;Inni tokkos karaa bitaatiin ni nyaata,Garuu hin quufu.
Tokkoon tokkoon namaa foon irree isaa ni nyaata,
21 Minaaseen Efreemiin,Efreemis Minaasee ni nyaata.
Isaan waliin taʼanii Yihudaa irratti ni kaʼu.+
Kana hundumaatiin kan kaʼes, dheekkamsi isaa hin qabbanoofne,Kanaa mannaa, harki isaa rukutuuf akkuma diriirfametti jira.+
Miiljaleewwan
^ Jechuunis, Waaqayyo.
^ Jechuunis, harqoota, qambara.
^ Ykn., “Mootummaan; Bulchiinsi mootii.”
^ Ykn., “mootummaa; bulchiinsa mootii.”
^ Kal., “karaa duubaatiin.”
^ Ykn tarii, “damee muka meexxii fi shomboqqoo.”
^ Ykn., “warri jalaa duʼanii.”
^ Jechuunis, muka gaggabaabaa gobbatee biqilu.
