Галатӕгтӕм 1:1—24
1 Ӕз, апостол+ Павел+, нӕдӕр адӕмы уынаффӕмӕ гӕсгӕ сдӕн апостол, нӕдӕр мӕ адӕймаг сӕвӕрдта апостолӕй – мӕн апостолӕй сӕвӕрдтой Йесо Чырысти+ ӕмӕ нӕ Фыд+, Хуыцау, Йесойы мӕрдтӕй чи райгас кодта, уый+.
2 Гъемӕ ӕз, мемӕ чидӕриддӕр ис, уыцы ӕфсымӕртимӕ+ фыссын Галатийы ӕмбырдтӕм+.
3 Нӕ Фыд Хуыцауы ӕмӕ нӕ Хицау Йесо Чырыстийы стыр хорзӕх ӕмӕ фарнӕй+ хайджын ут.
4 Уый йӕхи радта нӕ тӕригъӕдты тыххӕй+, цӕмӕй нӕ фервӕзын кӕна ацы ӕвзӕр дунейӕ+, нӕ Хуыцау ӕмӕ нӕ Фыды фӕндонмӕ+ гӕсгӕ.
5 Хуыцауӕн кад уӕд ӕнусӕй-ӕнусмӕ!+ Аммен.
6 Диссаг мӕм кӕсы, Чырыстийы стыр хорзӕхы+ фӕрцы уӕ йӕхимӕ+ чи ӕрхуыдта, уый уӕ куыд тагъд райдыдта рох кӕнын ӕмӕ уе ’ргом куыд тагъд аздӕхтат ӕндӕр хорз хабармӕ+.
7 Уӕвгӕ, уый хорз хабар дӕр нӕу, фӕлӕ хъуыддаг уый мидӕг ис, ӕмӕ уӕ чидӕртӕ къуылымпы кӕнынц+ ӕмӕ сӕ фӕнды Чырыстийы тыххӕй хорз хабар сзыгъуыммӕ кӕнын+.
8 Фӕлӕ уын махӕй исчи, йе та уӕларвӕй зӕд дӕр, цы хорз хабар уӕм ӕрхастам, уымӕй уӕлдай хорз хабары ӕфсон ӕндӕр исты куы хъусын кӕна, уӕд ӕлгъыст фӕуӕд+.
9 Уӕлдӕр уын цы загътам, уый ма уын ноджыдӕр иу хатт зӕгъын: цӕуыл баууӕндыдыстут, уымӕй уӕлдай уын+ хорз хабары ӕфсон ӕндӕр исты чи дзуры, уый чифӕнды ма уа,– ӕлгъыст фӕуӕд.
10 Цымӕ ӕз адӕмы хорзӕх агурын ӕви Хуыцауы хорзӕх? Кӕнӕ адӕмы зӕрдӕ балхӕныныл архайын?+ Ӕз ныр дӕр ма адӕмы зӕрдӕ балхӕныныл куы архаин+, уӕд Чырыстийы цагъар нӕ уаин+.
11 Сымахӕн мӕ уый зӕгъын фӕнды, ӕфсымӕртӕ, ӕмӕ уӕм ӕз цы хорз хабар ӕрхастон, уый адӕмӕй нӕу+,
12 уымӕн ӕмӕ уыцы хорз хабар ӕз нӕдӕр адӕмӕй фехъуыстон, нӕдӕр ӕй адӕмӕй базыдтон, фӕлӕ мын ӕй Йесо Чырысти раргом кодта+.
13 Куыннӕ фехъуыстаиккат, раздӕр, дзуттаг диныл хӕст куы уыдтӕн, уӕд цытӕ кодтон, уый тыххӕй+: Хуыцауы ӕмбырд куыд карзӕй ӕфхӕрдтон+ ӕмӕ йӕ фесафыныл куыд архайдтон+.
14 Дзуттаг дины мӕнӕн цы бантыст, уый мӕ адӕмы ’хсӕн ме ’мгӕрттӕй бирӕтӕн нӕ бантыст+, ӕз бирӕ ӕнувыддӕр уыдтӕн+ мӕ фыдӕлты ӕгъдӕуттыл+.
15 Фӕлӕ мын царды рухс чи фенын кодта ӕмӕ мӕ йе стыр хорзӕхы+ фӕрцы чи ӕрхуыдта+, уыцы Хуыцауы куы бафӕндыд
16 йӕ Фырты мӕн уылты раргом кӕнын+, цӕмӕй йӕ Фырты тыххӕй хорз хабар иннӕ адӕмтӕн хъусын кӕнон+, уӕд ӕз адӕмӕй никӕмӕ ацыдтӕн уынаффӕ кӕнынмӕ+.
17 Ӕмӕ, мӕнӕй раздӕр чи сси апостол+, уыдонмӕ дӕр Иерусалиммӕ нӕ ацыдтӕн, фӕлӕ ацыдтӕн Аравимӕ, стӕй фӕстӕмӕ Дамаскмӕ ӕрыздӕхтӕн+.
18 Ӕртӕ азы фӕстӕ та ацыдтӕн Иерусалиммӕ+ Кифӕйы+ фенынмӕ ӕмӕ йемӕ баззадтӕн фынддӕс боны.
19 Фӕлӕ иннӕ апостолтӕй нӕ Хицауы ӕфсымӕр+ Иаковы+ йеддӕмӕ никӕй федтон.
20 Хуыцау мын ӕвдисӕн: цы уӕм фыссын, уыдон гӕдыныхӕстӕ не сты+.
21 Уый фӕстӕ ацыдтӕн+ Сиримӕ ӕмӕ Киликимӕ.
22 Фӕлӕ мӕ Иудейӕйы чырыстон ӕмбырдты+ лӕгӕй-лӕгмӕ нӕ зыдтой.
23 Ӕрмӕст иннӕтӕй хъуыстой, раздӕр, дам, нӕ ӕфхӕргӕ чи кодта+, уый, дам, ныр хъусын кӕны хорз хабар, кӕддӕр фесафынмӕ кӕй хъавыд, уыцы дины тыххӕй+.
24 Гъемӕ, мӕ хабӕрттӕ базонгӕйӕ, Хуыцауы кадджын кодтой+.
