Komaduan Awaran 8:1-18
8 Sanen manampot lay 20 taon ya impangipaalagey nen Solomon ed abung nen Jehova tan say dilin abung* to,+
2 impaalagey lamet nen Solomon iray syudad ya inter nen Hiram+ ed sikato tan impanayam to ditan iray Israelita.*
3 Ontan met, si Solomon et linmad Hamat-zoba tan sinakop to itan.
4 Insan to impaalagey lamet* so Tadmor ed kalawakan tan amin a syudad a panagtiponay abasto+ ya impaalagey to ed Hamat.+
5 Pinabiskeg to met so Atagey a Bet-horon+ tan Abeban Bet-horon+ diad panamegley na saray padir, puerta, tan balewet,
6 pati say Baalat,+ tan say amin a syudad nen Solomon a panagtiponay abasto, amin a syudad na karwahe,+ saray syudad na lalakin de-kabayoan, tan antokaman a pinirawat nen Solomon ya ipaalagey diad Jerusalem, diad Lebanon, tan diad amin a dalin a nasasakopan to.
7 Tan nipaakar ed amin a totoon akeraan ed saray Heteo, Amoreo, Perizeo, Heveo, tan Jebuseo,+ ya agkabiangan na Israel,+
8 saray kailalakan da ya atilak—saramay agpinatey na saray Israelita+—et puersaan ya impankimey nen Solomon anggad sayan agew.+
9 Balet anggapod saray Israelita so ginawa nen Solomon ya aripen ed kimey to,+ ta sikaray sundalo to, papangulo na saray ayudante to, tan papangulo na saray managkarwahe tan de-kabayoan a sundalo to.+
10 Walay 250 papangulo na saray opisyal a mangidadaulo ed kimey nen Arin Solomon, saray kapatas na saray totoo.+
11 Et impaway nen Solomon so anak na Faraon+ ed Syudad nen David tan impanayam tod samay abung ya impaalagey to parad sikato,+ ta kuan to: “Anggano sikatoy asawak, agnepeg a manayam ed abung nen Arin David na Israel, ta saray pasen ya anginan na Kaban nen Jehova et masanto.”+
12 Insan angiyapay si Solomon ed si Jehova na saray bagat a popoolan+ diad altar+ nen Jehova a ginawa to diad arapan na balkonahe.+
13 Tinumbok to so inagew-agew a rotina tan unong ed ganggan nen Moises et sikatoy angiyapay na saray apay parad Sabaton,+ balon bulan,+ tan saray piesta a mamitlon gagawaen ed kada taon+—say Piesta na Andi-lebaduran Tinapay,+ Piesta na Saray Simba,+ tan Piesta na Saray Alolong.*+
14 Ontan met, saray grupo na saray saserdote+ et tinuro to ra diad saray kimey da unong ed totontonen ya inter nen David ya ama to, tan saray Levita diad saray puesto ra, pian idayew+ so Dios tan manlingkor irad arapan na saray saserdote unong ed inagew-agew a rotina, tan saray grupo na saray bantay na puerta diad nanduruman puerta,+ ta ontan so ingganggan nen David a too na tuan Dios.
15 Tan agda sinumlang so ganggan na ari ed saray saserdote tan saray Levita nipaakar ed antokaman a bengatla odino nipaakar ed saray pasen a panagsimpenan.
16 Kanian organisadon maong* so amin a kimey nen Solomon, manlapud impangiletneg na pundasyon na abung nen Jehova+ anggad impakasumpal na satan. Kanian asumpal so abung nen Jehova.+
17 Insan linmay Solomon ed Ezion-geber+ tan diad Elot+ a walad gilig na dayat diad dalin na Edom.+
18 Si Hiram+ et angipawit ed si Solomon na saray barko diad panamegley na saray lingkor to, a wala ray kaiba ran marino a marunong ed dayat. Inibaan da iray lingkor nen Solomon a linmad Ofir+ tan angala ra na 450 talenton* balitok+ tan inawit dad si Arin Solomon.+
Paimanod leksab
^ Odino “palasyo.”
^ Literal, “lalakin ananak nen Israel.”
^ Odino “pinabiskeg.”
^ Odino “Saray Temporaryon Siroman.”
^ Odino “mauk-uksoy; asumpal.”
^ Say sakey a talento et 34.2 kilo. Nengnengen so Apendise B14.
