Salmo 138:1-8
Salmo nen David.
138 Idayew ta ka diad interon pusok.+
Diad arap na arum a diriosEt kansionan ta ka na panangirayew.*
2 Ondakmomo ak ed masanton templom,*+Tan idayew koy ngaran mo+Lapud matoor a panangarom tan katooran mo.
Ta say salitam tan say ngaran mo et intandorom nen say amin a bengatla.*
3 Sanen tinmawag ak et inebatan mo ak;+Ginawam ak a makpel* tan mabiskeg.+
4 O Jehova, idayew ka na amin ya arari ed dalin,+Ta seguradon narengelan da ray sipan ya imbagam.
5 Kansionen day nipaakar ed saray dalan nen Jehova,Ta abalbaleg so kagalangan nen Jehova.+
6 Anggaman atagtagey si Jehova, iimanoen toy mapaabeba,+Balet say mapaatagey et kabat to labat diad arawi.+
7 Anggan sano manaakar ak ed mapeligron pasen, pansiansiaen mo ak a mabilay.+
Iyuunat moy limam sumpad saray onsasanok a kakabusol ko;Iliktar ak na kawanan a limam.
8 Sumpalen nen Jehova so amin a bengatla parad siak.
O Jehova, say matoor a panangarom et mansiansia ya anggad angga;+Agmo komon papaulyanan iray kimey na limam.+
Paimanod leksab
^ Odino posiblin, “Pian sumpaen so arum a dirios, mantogtog tan mangansion ak parad sika.”
^ Odino “santuaryom.”
^ Odino posiblin, “intandorom so salitam a mas ni nen say mismon ngaran mo.”
^ Odino “a makpel so kamarerwak.”
