Nabasa ed gapo na Biblia so istorya no panon ya ginawa nen Jehova so amin ya balibalin bengatla ed tawen tan ed dalin. No sakey kan ateng, tulongan moy anak mo ya nanengneng to iray makapakelaw tan nanduruman ginawa na Dios. Ibangat mo ya ginawa na Dios so too ya mas maong nen saray ayep, ta inikdan to tayoy abilidad ya mansalita, manisip, man-imbento, mangansion, tan manpikasi. Tulongan mo ya naapresya to so pakapanyari tan karunongan nen Jehova, lalo lay panangaro tod amin ya ginawa to​—pati ed sikatayo.