Panarian na Dios—Anto Itan?
Dakel so totoon mandadasal ya onsabi la komon so Panarian na Dios, balet naisip mo la kasi no anto so Panarian na Dios tan no antoy gawaen na satan?
IMANOEN NO ANTOY IBABAGA NA BIBLIA:
Anto so Panarian na Dios?
Sakey itan ya gobierno ed tawen ya si Jesu-Kristo so manuley bilang Ari.—Isaias 9:6, 7; Mateo 5:3; Lucas 1:31-33.
Antoy gawaen na Panarian na Dios?
Panganggaen na satan so mauges ya sistema na sayan mundo tan iter to ed totoo so tuloytuloy ya kareenan.—Daniel 2:44; Mateo 6:10.
Antoy labay ya ibaga na anapen nin unona so Panarian?
Labay ya ibaga na satan et nepeg tayon suportaan so Panarian na Dios tan sigpot tayon manmatalek ya satan labat so makasarag ya gawaen so labay na Dios ya pagmaliwan na dalin.—Mateo 6:33; 13:44.
Ompan Nagustoan Mo Met
EBAT ED SARAY TEPET ED BIBLIA
Anto so Panarian na Dios?
Amtaen no akin ya say gobierno na Dios et superyor ed amin ya gobierno.
