SAY PANAG-BANTAYAN No. 3 2017 | Say Apatiran Akakabayo—Antoy Epekto Da ed Bilay Mo?
ANTOY NIBAGAM?
Say ibatik na apatiran akakabayo et sakey ed saray kabkabat ya eksena ed libro na Apocalipsis. Wala ray natatakot ed satan. Say arum et pankelawan da no anto itan. Imanoey ibabaga na Biblia tungkol ed satan ya propesiya:
“Maliket imay manbabasan maksil tan saramay ondedengel ed saray salita na sayan propesiya.”
Ipaliwawa na sayan isyu na Panag-bantayan no akin ya say ibatik na apatiran akakabayo et maong a balita parad sikatayo.
MANUNAN ARTIKULO
Say Apatiran Akakabayo tan Sika
Apatiran kabayo—sakey ya amputi, sakey ya ambalanga, sakey ya andeket, tan sakey ya pusisaw. Say eksayting ya ibatik na 4 ya akakabayo et sakey ed saray kabkabat ya eksena ed Apocalipsis.
MANUNAN ARTIKULO
Say Apatiran Akakabayo—Siopa Iratan?
Amtaen no panon mon natalosan so labay ya ibaga na sayan propesiya.
Kaaruman ya Ebidensya
Nayarin agmo kabat si Tatenai, balet walay akotkot na saray archaeologist ya akasulatan na ngaran to ya patunay ya duga so rekord na Biblia tungkol ed history.
UUMANEN NA BIBLIA SO BILAY
Inar-arok ya Maong so Baseball!
Si Samuel Hamilton et naadik ed professional sports, balet nauman so bilay to lapud impanaral toy Biblia.
ALIGEN SO PANANISIA RA
“Maganggana Kan Bii”
Diad Ehipto, apansin na saray prinsipe na Faraon so ganggana nen Sara. Ompan nabigla ka ed sinmublay ya agawa.
Antoy Ibabaga na Biblia?
Kasin walay grupo na totoon mas papaboran na Dios nen say arum? Kasin wala ray grupo na totoon bebendisyonan odino dudusaen?
Arum nin Walad Online
Say Libro na Apocalipsis—Antoy Labay ya Ibaga na Satan?
Ibabaga na sayan libro ya saray manbasa, makatalos, tan mangiyaplika ed mensahe to et maliket ed panggawa dad satan.
