Basaen so Ukom 11:30-40 pian naamtaan mo no antoy naaralan mod si Jefte tan ed marikit to.

Amtaen so konteksto. Nensaman, no walay insipan na saray matoor ya Israelita ed si Jehova, antoy desidido dan gawaen? (Num. 30:2) Anto ray prueba ya si Jefte tan say marikit to et mabiskeg so pananisia ra ed si Jehova?​—Ukom 11:9-11, 19-24, 36.

Aralen iray detalye. Antoy insipan nen Jefte ed si Jehova, tan antoy labay ton ibaga ed satan ya sipan to? (w16.04 7 ¶12) Anto ray insakripisyo nen Jefte tan na marikit to pian natoor nen Jefte so sipan to? (w16.04 7-8 ¶14-16) Anto met iray importantin sipan na saray lingkor nen Jehova natan?​—w17.04 5-8 ¶10-19.

Isip mo no antoy naaralan mo. Tepetan moy sarilim:

• ‘Antoy makatulong pian tuloytuloy kon natoor so sipan ko ed si Jehova?’ (w20.03 13 ¶20)

• ‘Anto ni kasi sarag kon isakripisyo pian mas napanlingkoran koy Jehova?’

• ‘Antoy makatulong pian mas desidido ak ya sumpalen imay sipan kod si asawak nen nankasal kami?’ (Mat. 19:5, 6; Efe. 5:28-33)