Antoy Nibagam?
Kasin natulongan ka na Biblia ya mikaaro ed Dios?
WALA RAY MANISIA . . .
ya imposiblin magmaliw iran kaaro na Dios ta makasalanan ira. Ibabaga na arum ya anggapoy malasakit na Dios ed sikatayo. Antoy nibagam?
NO ANTOY IBABAGA NA BIBLIA
Say Dios et “maapit a kaaro na maptek a too.” (Proverbio 3:32) No unoren tayoy Dios, magmaliw itayon kaaro to.
ANTO NI NAARALAN TAYOD BIBLIA?
Labay na Dios ya sikatoy magmaliw ya Kaaro tayo.—Santiago 4:8.
No Kaaro tayoy Dios, sikatoy akaparaan ya ontulong tan mamerdona ed sikatayo.—Salmo 86:5.
Saray kaaro na Dios et inaro da iray aaroen to tan bubusolen da iray kabusol to.—Roma 12:9.
