MANUNAN ARTIKULO | SARAG MON NAKAARO SO DIOS
Anggapo Lay Mas Maabig ya Bilay
Antoy gawaen mo pian onapit kad Dios? Kinonsidera tayo irayan paraan pian magmaliw tayon maapit ed sikato:
-
Amtaen tan usaren so ngaran na Dios ya Jehova.
-
Regular ya mitongtong ed sikato panamegley na pikakasi tan panaral na Salita to, say Biblia.
-
Naynay ya gawaen so labay nen Jehova.
Onapit ed Dios diad pangusar na ngaran to, pampikasi ed sikato, panaral na Salita to, tan gawaen no antoy mamaliket ed sikato
Base ed saratan, nibagam kasi ya gagawaen mo no antoy kaukolan pian nakaaro so Dios? Wala ra kasi naisip mo ya nepeg mon paaligwasen? Tua, kaukolan so pansakripisyo, balet isip mo pa ray resulta.
“Nabawbawi so amin ya sakripisyo pian nawalaay maapit a relasyon ed Dios,” so kuan nen Jennifer ya tagad United States. “Dakel iray bendisyon lapud saya: mas ombiskeg so talek mod Dios, mas natalosan moy personalidad to, balet nagkalalod amin, mas naarom so Dios. Anggapo lay mas maabig ya bilay!”
No labay mon nakaaro so Dios, maliket iray Tasi nen Jehova ya ontulong ed sika. Iyaralan da kay Biblia ya anggapoy bayar. Sarag mo met so onatendid pantitipon da pian aralen so Biblia diad Kingdom Hall ed lugar yo, ya ditan et nakaulop mo iramay importantid sikara so relasyon dad Dios. * No gawaen mo itan, naliknam met so alikna na salmista ya angibagan: “Maong ed siak so ondere ed abay na Dios.”
^ par. 9 Pian makapan-request na panagaral na Biblia odino naalmo so Kingdom Hall ya asingger ed sikayo, tepetan so angiter ed sika na sayan magasin odino onlad Web site mi ya www.mr1310.com/pag tan nengnengen so KONTAKEN KAMI diad leksab.
Ompan Nagustoan Mo Met
MABETBET YA ITETEPET
Anto tay Panag-aral na Biblia ya Iyoopresi na Saray Tasi nen Jehova?
Diad sayan libren interactive ya paraan na panag-aral ya iyoopresi na Saray Tasi nen Jehova, sarag mon usaren so anggan anton patalos na Biblia. Imbitaan so interon pamilyam odino anggan siopan kaarom ya labay day milad sika.
