•   “China a indica cu e aña aki e pais a experencia e zomer di mas cayente y seco cu el a yega di registra.”—e corant The Guardian, 7 di september 2022.

•   “Pa di 5 aña consecutivo, algun parti di Africa lo sufri di un secura teribel.”—UN News, 26 di augustus 2022.

•   “Dos tercera parti di Europa ta confrontando secura extremo. Posiblemente, esaki lo ta e pio secura raporta den 500 aña.”—BBC News, 23 di augustus 2022.

 Hopi experto ta pronostica cu lo tin mas secura y cu e secura lo bira pio. Tin speransa cu cos lo drecha den futuro? Kico Bijbel ta bisa?

 Hopi tempo di antemano, Bijbel a bisa lo siguiente tocante nos tempo:

•   “Den un luga tras di otro lo tin ... scarsedad di cuminda.”—Lucas 21:11.

 Hopi biaha, secura ta hiba na scarsedad di cuminda. Scarsedad di cuminda ta resulta den hopi sufrimento y morto. E cosnan ey ta cumplimento di profecia di Bijbel.—Revelacion 6:6, 8.

 Bijbel ta menciona un di e causanan principal cu ta pone cu e problema di secura ta birando pio. E ta bisa:

•   “No ta keda na hende pa dirigi su pasonan.”—Jeremias 10:23.

 Pues, hende no tin e capacidad pa “dirigi [nan] pasonan”, esta, pa goberna nan mes. Hopi biaha, nan mal decisionnan ta causa secura y scarsedad di awa.

•   Mayoria di cientifico ta pensa cu hende mes ta e causa cu mundo ta bira mas calor; pesey, tin mas secura rond mundo.

•   Hopi hende awe ta golos pa placa, y nan ta traha plan sin pensa tocante futuro. Nan echonan ta caba cu e mondinan y causa polucion. Golosidad ta hiba tambe na mal maneho di e recursonan di nos planeta. Debi na tur e cosnan ey, nos ta core riesgo di perde algun fuente di awa sumamente importante.

 Sinembargo, Bijbel ta duna nos speransa.

 Bijbel ta priminti cu Dios lo trece un solucion pa e scarsedad di awa cu tin na mundo. Con Dios lo haci esey?

1.  1. Dios lo “caba cu esnan cu ta caba cu e Tera.” (Revelacion 11:18) Lo e caba cu e causa di scarsedad di awa: hende malbado y golos cu ta haci daño na nos medioambiente.—2 Timoteo 3:1, 2.

2.  2. “Tera seco, kima door di solo, lo bira plas di awa.” (Isaias 35:1, 6, 7) Dios lo drecha e daño cu a tuma luga pa motibo di secura, y Dios lo laga nos planeta bira un paradijs cu suficiente awa pa tur hende.

3.  3. “Bo ta cuida Tera; bo ta gord’e y hacie masha fructifero.” (Salmo 65:9) Ora Tera tin Dios su bendicion, Tera lo tin abundancia di cuminda y awa limpi pa tur hende.