Nos Creador a establece regla tocante matrimonio hopi prome cu gobiernonan a institui esakinan. E prome buki di Bijbel ta bisa nos: “Un homber lo bandona su tata y su mama y lo uni cu su esposa. Y nan lo bira un carni.” (Genesis 2:24, Beibel Santu) Segun Vine’s Expository Dictionary of Biblical Words, e palabra Hebreo cu nan ta uza pa “esposa” den e texto aki ta “referi na un ser humano di sexo femenino.” Hesus a confirma cu ora dos persona ta uni den matrimonio nan mester ta “homber y muher.”—Mateo 19:4.

 Pues, Dios tabata kier pa matrimonio ta un union permanente, un laso intimo entre un homber y un muher. El a traha homber y muher pa complementa otro, di manera cu nan por haya yiu y satisface otro su necesidadnan emocional y sexual.