Paz mundial lo no bin debi na e esfuersonan cu hende ta haci, mas bien, pa media di e Reino di Dios; un gobierno celestial goberna pa Cristo Hesus. Tuma nota kico Bijbel ta bisa tocante e speransa maraviyoso aki.

1.   Dios lo “haci gueranan stop te na e fin di Tera”, cumpliendo asina cu su promesa pa trece “paz riba Tera entre hende cu e ta aproba.”—Salmo 46:9, Beibel Santu; Lucas 2:14.

2.   E Reino di Dios lo goberna for di cielo riba henter e Tera. (Daniel 7:14) Como cu e ta goberna riba henter mundo, lo e elimina nacionalismo, cu ta e causa fundamental di hopi problema.

3.   Hesus, e gobernante di e Reino di Dios, kende ta ser yama tambe e “Prins di Paz”, lo haci sigur cu “lo no tin fin na ... paz.”—Isaias 9:6, 7, Beibel Santu.

4.   Hende cu no kier stop di bringa lo no haya chens di biba bou di e Reino di Dios ya cu “esun cu ta gusta violencia [Dios] Su alma ta odia.”—Salmo 11:5, Beibel Santu; Proverbionan 2:22.

5.   Dios ta siña su sirbidornan con pa biba na paz cu otro. Bijbel ta describi e resultado di e instruccion aki, bisando: “Nan lo bati nan spadanan traha ploeg cu nan, y nan lo bati nan lansanan traha sker-pa-snoei [mata] cu nan. Nacion lo no lanta spada contra nacion, y nunca mas nan lo train pa guera.”—Isaias 2:3, 4, Beibel Santu.

 Ya caba rond mundo tin miyones di testigonan di Jehova cu ta siña for di Dios con pa nan promove paz. (Mateo 5:9) Aunke nos ta di diferente cultura y nos ta biba den mas cu 230 diferente pais, hamas nos lo bringa contra nos prohimo.