21 DI OCTOBER 2021 | INFORMACION NOBO: 26 DI DECEMBER 2022
RUSIA

INFORMACION NOBO—CORTE A DUNA MAS CASTIGO | Nos Rumannan na Rusia Ta Contento a Pesar di Aresto Preventivo y Detencion na Cas pa Hopi Tempo

PLAY

Dia 22 di december 2022, Di Cuater Corte General di Casacion a duna Ruman Rustam Diarov y Ruman Sergey Klikunov y Ruman Yevgeniy Ivanov cu su casa, Olga, mas castigo. E hues a dicidi cu e rumannan no tin mag di sali for di Astrakhan despues di nan sentencia den prizon. For di algun centro di detencion, nos rumannan a participa den nan caso via conferencia di video.

Riba 3 di maart 2022, Corte Regional di Astrakhan a rechasa e apelacion di Ruman Rustam Diarov y Ruman Sergey Klikunov y Ruman Yevgeniy Ivanov cu su casa, Olga. Nan tur cuater a keda den prizon

Algun Suceso Cu A Tuma Luga

25 di october 2021

Corte di Districto Trusovskiy na Astrakhan a dicta sentencia di ocho aña di prizon contra nos rumannan Rustam Diarov, Yevgeniy Ivanov, y Sergey Klikunov. Olga, Ruman Ivanov su casa, a haya un sentencia di tres aña y seis luna den prizon. E tres ruman hombernan tabata den aresto preventivo caba. Ruman Olga a ser detene mesora
11 di juni 2020

Rustam, Yevgeniy, y Sergey a ser detene, y nan a keda den aresto preventivo. Olga a ser poni bou di detencion na cas
9 di juni 2020

Mas cu 100 agente policial a haci entrada hudicial na cas di 27 famia testigo di Jehova den e stad Astrakhan. Rustam, Yevgeniy, Olga y Sergey a ser detene temporalmente
8 di juni 2020

E autoridadnan a cuminsa un caso penal contra Rustam, Yevgeniy, Olga y Sergey. E ruman hombernan a ser acusa di organisa y financia actividad di un organisacion extremista. Olga a ser acusa di participa den actividad di un organisacion extremista

Informacion Personal

Olga Ivanova

Naci na: 1982 (Volzhsky, Region Volgograd)

Background: El a siña toca acordeon of sinfonia di man como mucha. El a studia idioma y tabata duna les di Ingles

Como mucha, e tabatin miedo di morto. Ora Olga tabata teenager, su mama a drenta den contacto cu Testigonan di Jehova, y Olga a siña tocante Bijbel for di su mama. Olga a batisa na aña 1997

Loke Nos Ruman A Bisa

Kico ta yuda bo pa bo no sinti bo desanima mientras bo ta separa for di bo esposo?

E ehempel di Jehova y Hesus ta yuda mi pa mi no entrega. Pa nos beneficio, Jehova a ser separa for di su amigo Hesus pa 33 aña y mei. Mi esposo ta mi mihor amigo, y mi ta sinti hopi falta di dje. Pero muy probablemente, nos lo no mester keda separa for di otro mes largo cu [Jehova y Hesus a keda separa for di otro]. Mi tin sigur cu nos lo por persevera den cualkier situacion cu Jehova su yudansa.

Sergey Klikunov

Naci na: 1975 (Astrakhan)

Background: El a traha como welderdo prome cu su aresto preventivo. E cu su esposa, Irina, a cuminsa studia Bijbel hunto. Principionan di Bijbel a yud’e stop di huma, y el a batisa na aña 2007. Nan tin dos yiu muher. Den su tempo liber, e gusta pisca y toca guitara

Loke Nos Ruman A Bisa

Kico ta yudando bo keda leal durante bo detencion?

Desde cu mi ta cera, mi a haya mas aprecio pa e regalo di oracion. Oracion ta hopi importante den mi situacion. Mi tin seis luna caba cera den cachot. Claro cu no ta facil, pero oracion ta yuda mi persevera. Ora e situacion ta hopi dificil, mi ta bay na rudia y mi ta bisa nos Tata tur loke tin den mi curason. Despues di haci oracion, e ta consola mi y duna mi paz. Esey ta yuda mi sinti mihor. Ta hopi bunita pa mira con nos Tata ta yuda nos ora nos tin mester di dje. Mi ta confi’e completamente, pues mi no tin miedo.

Ta un consuelo pa sa cu Jehova semper ta cerca di su sirbidornan leal ora nan ta pasa den prueba.—Salmo 139:5, 10.

COMUNICADO