28 di Aprel–4 di Mei
PROVERBIONAN 11
Kantika 90 i Orashon | Introdukshon (1 min.)
1. Tin Kos Ku Nos No Mester Bisa!
(10 min.)
No bisa kos ku por hasi bo “próhimo” daño òf lag’é sintié malu (Pro 11:9; w02 15/5 26 §4)
No bisa kos ku por kousa divishon(Pro 11:11; w02 15/5 27 §2-3)
No revelá kos ku ta konfidensial(Pro 11:12, 13; w02 15/5 27 §5)
MEDITÁ RIBA ESAKI: Kon Hesus su palabranan na Lukas 6:45 ta yuda nos pa no bisa algu ku ta hùrt otro hende?
2. Hoya Spiritual
(10 min.)
-
Pro 11:17—Dikon ta bon pa nos ta bondadoso? (g20.1 11, kuadro)
-
Ki hoya spiritual bo a haña den e lesamentu di Beibel pa e siman akí?
3. Lesamentu di Beibel
(4 min.) Pro 11:1-20 (th lès 5)
4. Kuminsá un Kòmbersashon
(4 min.) TESTIMONIO INFORMAL. Buska un oportunidat pa konta un hende ku bo konosé loke bo a siña na un reunion resien. (lmd lès 2 punto 4)
5. Rebishita
(4 min.) TESTIMONIO INFORMAL. Usa un vidio for di nos Kaha di Hèrmènt pa Siña Hende e Bèrdat. (lmd lès 8 punto 3)
6. Yuda Hende Bira Disipel
(4 min.) PREDIKÁ NA LUGÁ PÚBLIKO. Ofresé e persona un estudio di Beibel i mustr’é kon e estudio di Beibel ta bai. (lmd lès 10 punto 3)
Kantika 157
7. No Laga Bo Lenga Kibra Pas
(15 min.) Pa analisá ku e presentenan.
Komo ku nos ta imperfekto, nos tur lo faya den nos abla. (Snt 3:8) Sinembargo, si nos pensa riba e problemanan ku por presentá ora nos faya den nos abla, nos lo evitá di bisa kos ku nos lo lamentá despues. Ban wak algun tipo di abla ku por kibra pas den kongregashon:
-
Bromamentu. Bromamentu ta ora un persona ta gaba su mes. Anto esei por laga otro hende bira kompetitivo i yalurs.—Pro 27:2
-
Desonestidat. Desonestidat no ta limitá na mentira so, e ta inkluí duna hende informashon ku por laga nan yega na konklushon robes. Asta si bo ta un tiki desonesto so, esei por kibra konfiansa i daña bo reputashon.—Ekl 10:1
-
Redu. Redu ta ora nos ta papia riba hende i tokante nan bida, i nos ta bisa kos ku no ta bèrdat òf ku ta privá. (1Ti 5:13) E por hiba na pleitu i desunion
-
Ekspreshon di rabia. Ekspreshon di rabia ta ora nos ta bisa algu ku por ofendé un hende ku a pone nos rabia. (Efe 4:26) Esei por kousa hopi daño na un persona.—Pro 29:22
Pasa e VIDIO Fragmento di Evitá Tur Loke Ku Ta Kibra Pas. Despues hasi e siguiente pregunta:
-
Kiko bo a siña di kon lihé loke nos ta bisa por kibra pas den kongregashon?
Pa wak kon nan a bolbe restorá pas, wak “Buska Pas i Sigui Tras di Dje.”
8. Estudio di Beibel di Kongregashon
(30 min.) bt kap. 25 §14-21
