Beibel ta e Palabra di Dios. E ta manera un karta ku un tata a manda pa su yunan stimá. (2 Timoteo 3:16) Den Beibel, Dios ta splika nos kon nos por hasi su kurason kontentu, pakiko e ta permití maldat i kiko lo e hasi pa humanidat den futuro. Pero lidernan religioso a trose e siñansanan di Beibel, i p’esei, hopi hende ta pensa ku e ta un buki difísil pa komprondé.—Echonan 20:29, 30.

Yehova Dios ke pa nos sa e bèrdat tokante su persona. I ta p’esei el a duna nos un buki ku nos por komprondé.—Lesa 1 Timoteo 2:3, 4.

Aparte di ku Yehova a duna nos su Palabra, el a perkurá pa nos haña yudansa pa komprond’é. El a manda Hesus pa yuda nos ku esei. (Lukas 4:16-21) Pa yuda su oyentenan komprondé e Palabra di Dios, Hesus a referí na vários parti di e Skritura.—Lesa Lukas 24:27, 32, 45.

Hesus a establesé e kongregashon kristian pa su disipelnan por a sigui ku e trabou ku el a kuminsá kuné. (Mateo 28:19, 20) Awe, e berdadero siguidónan di Hesus ta yuda hende komprondé kiko Beibel ta siña tokante Dios. Si bo ke komprondé Beibel, Testigunan di Yehova gustosamente lo yuda bo ku esei.—Lesa Echonan 8:30, 31.