Pregunta Ku Beibel Ta Kontestá
Ken realmente ta goberná mundu?
Si Dios ta goberná e mundu akí, dikon tin asina tantu sufrimentu?
Hopi hende ta kere ku e Dios berdadero ta e gobernante di mundu. Pero si esei ta e kaso, dikon tin asina tantu sufrimentu? (Deuteronomio 32:4, 5) Beibel ta bisa ku mundu ta den gara di un persona malbado.—Lesa 1 Huan 5:19.
Ta kon e persona ei a logra haña dominio riba humanidat? Na komienso di historia humano, un angel a rebeldiá kontra Dios i el a instigá e promé pareha pa nan tambe rebeldiá. (Génesis 3:1-6) E pareha ei a disidí di obedesé e angel rebelde, Satanas, i asina el a bira nan gobernante. E úniko persona ku tin derecho di ta gobernante di mundu ta e Dios Todopoderoso, pero e ke pa hende skohe é komo gobernante pasobra nan ta stim’é. (Deuteronomio 6:6; 30:16, 19) Lamentablemente, gran parti di humanidat a kai den Satanas su trampa, esta, nan a tuma e mesun mal desishon ku e promé pareha.—Lesa Revelashon 12:9.
Ken lo solushoná problema di hende?
Dios lo permití Satanas sigui goberná? Klaru ku nò! Dios lo laga Hesus drecha tur e daño ku Satanas a kousa.—Lesa 1 Huan 3:8.
Sí, Dios a duna Hesus poder pa destruí Satanas. (Romanonan 16:20) Kaba, Dios mes lo goberná humanidat i hende lo biba den pas i felisidat manera Adam ku Eva a biba na prinsipio.—Lesa Revelashon 21:3-5.
Otro Artíkulo Interesante
PREGUNTA KU BEIBEL TA KONTESTÁ
Ta Dios Su Falta Ku Nos Ta Sufri?
Tur hende por haña nan ku sufrimentu, asta esnan ku tin Dios su aprobashon. Dikon?
E TOREN DI VIGILANSIA
Dikon Ta Asina Difísil pa Logra Pas Mundial?
Maske hopi hende ta hasi esfuerso sinsero pa logra pas mundial, nan no ta logra. Dikon nò?
PREGUNTA KU BEIBEL TA KONTESTÁ
Kiko Lo Trese Pas na Mundu?
Haña sa kon Dios ta primintí pa trese pas na mundu pa medio di su Reino.
