Pregunta Ku Beibel Ta Kontestá
Kiko lo sosodé ku hende den futuro?
Kon e morto di Hesus por logra forma un sosiedat kaminda tur hende di bèrdat ta interesá den otro?
Sin duda, hende lo sigui bai dilanti riba tereno di siensia. Pero hende mes por logra forma un sosiedat kaminda tur hende di bèrdat ta interesá den otro? Nò. Awendia, mundu ta patapata di hende egoista i golos. Pero Dios tin algu mihó pa nos den futuro.—Lesa 2 Pedro 3:13.
E Palabra di Dios ta bisa ku den futuro hende rònt mundu lo stima otro. Hende lo biba den siguridat i niun hende lo no hasi otro daño.—Lesa Mikéas 4:3, 4.
Kon Dios lo kaba ku egoismo?
Dios no a krea hende ku e tendensia di bira egoista. Pero, ora e promé hòmber a desobedesé Dios, el a bira imperfekto. Ta pa su motibu hende ta egoista awe. Apesar di esei, Dios lo usa Hesus pa hasi hende perfekto.—Lesa Romanonan 7:21, 24, 25.
Di akuerdo ku Dios su boluntat, Hesus a muri komo sakrifisio pa salba nos di e konsekuensianan di e desobedensia di e promé hòmber. (Romanonan 5:19) Pues, Hesus a habri kaminda pa hende disfrutá di un futuro maravioso, den kua nan lo no tin e tendensia egoista mas di hasi malu.—Lesa Salmo 37:9-11.
Otro Artíkulo Interesante
E TOREN DI VIGILANSIA
Promesanan Ku Lo Kumpli Sigur
Hopi profesia di Beibel a kumpli kaba, i tin otronan ku mester kumpli ainda den futuro.
E TOREN DI VIGILANSIA
Pronto Dios Lo Kaba ku Tur Sufrimentu
Ki prueba tin ku Dios pronto lo kaba ku tur sufrimentu i inhustisia?
