SIGUI VIGILÁ!
Kiko Beibel Ta Bisa Tokante Adorashon di Imágen?
Catholic News Service a bisa ku durante un seremonia na Basílika di San Pedro dia 25 di mart 2022, Papa Francisco tabata pará dilanti un imágen: “E tabatin su wowonan será, su kabes tabata bahá, i e tabata hasi orashon den su mes.” E tabata “roga Maria” pa pas. Segun e website Vatican News, “Papa Francisco a hasi orashon na Maria Immaculata pa konsagrá humanidat, spesialmente Rusia i Ukrania; el a hasi un apelashon na Maria su kurason.”
Kiko abo ta pensa? Ta korekto pa hasi orashon na un imágen òf pa usa imágen den nos adorashon? Analisá loke e siguiente tekstonan di Beibel ta bisa:
“No traha niun imágen ni forma di algu ku tin den shelu òf riba tera òf den awa. No bùig pa nan ni laga hende konvensé boso pa sirbi nan, pasobra ami, Yehova, boso Dios, ta un Dios ku ta eksigí ku hende mester adorá ami so.”—Éksodo 20:4, 5, Tradukshon di Mundu Nobo. a
“Nan ídolonan ta plata i oro, e obra di mannan di hende. Nan tin boka, ma nan no por papia; nan tin wowo, ma nan no por mira; nan tin orea, ma nan no por tende; nan tin nanishi, ma nan no por hole; nan tin man, ma nan no por fula; nan tin pia, ma nan no por kana; nan no por saka zonido for di nan garganta. Esnan ku ta traha nan lo bira meskos ku nan, tur esnan ku ta konfia den nan.”—Salmo 115:4-8, Beibel Santu.
“Ami ta Yehova. Esei ta mi nòmber; mi no ta kompartí mi gloria ku niun otro persona, ni mi alabansa na imágen.”—Isaías 42:8, nota, Tradukshon di Mundu Nobo.
“Hui di idolatria.”—1 Korintionan 10:14.
“Keda leu for di dios falsu.”—1 Huan 5:21.
Pa haña sa mas tokante loke Beibel ta bisa tokante uso di imágen den adorashon, lesa e artíkulo na spañó “E Punto di Bista di Beibel—Imágen” òf wak e vidio Dios Ta Permití Nos Usa Imágen den Nos Adorashon na Dje?
Aki bou tin mas informashon tokante algun tópiko ku kisas lo interesá bo:
“Kiko Beibel Ta Bisa Tokante Bírgen Maria?” (na spañó)
“Nos Mester Resa na Bírgen Maria?” (na spañó)
“Milager i Aparishon Ta Señal di Dios?” (na spañó)
Rekonosementu pa potrèt: Vincenzo Pinto/AFP via Getty Images
a Beibel ta bisa ku Dios su nòmber ta Yehova. (Revelashon 4:11) Wak e artíkulo “Ken ta Yehova?”
Otro Artíkulo Interesante
PREGUNTA KU BEIBEL TA KONTESTÁ
Nos Mester Adorá Imágen?
Dios ta aprobá uso di imágen òf ídolo den adorashon?
MAS TÓPIKO
Religion Mester Mete ku Polítika?
Rònt mundu, hopi hende ku ta bisa ku nan ta siguidó di Kristu ta hopi enbolbí den polítika. Ta asina mester ta?
SIÑANSA DI BEIBEL
Dios Ta Permití Nos Usa Imágen den Nos Adorashon na Dje?
Nos no por mira Dios. Imágen por yuda nos hala serka Dios?
SIGUI VIGILÁ!
Religion i e Guera na Ukrania—Kiko Beibel Ta Bisa?
Lider religioso na ámbos banda di e konflikto ta usa nan influensia na un manera ku ta bai kontra loke Hesus a siña su siguidónan.
SIÑANSA DI BEIBEL
Nos Ta Animá Bo pa Sigui un Kurso di Beibel ku Nos
Sigui un kurso di Beibel interaktivo grátis ku un maestro.
