E seri di vidio Bira Amigu di Yehova ku ta mustra kantika i vidio di Kalèb i Sofia ta masha gustá. Tantu mayornan komo muchanan a skirbi karta pa mustra nan apresio pa e diferente vidionan den e seri. Aki tin algun ehèmpel di komentario ku muchanan a manda.

• “Danki pa e DVD ‘Obedesé i Lo Bo Ta Bendishoná.’ Mi ta wak e tur dia huntu ku mi peluche di yaguar.”​—Zach, 5 aña.

• “E kantika nobo ta laga mi mira ku Yehova ta stima mi i ku e ke pa mi hasi orashon na dje tur ora.”​—Mikariah, 6 aña.

• “Mi a siña ku mi mester obedesé mi mayornan i ta limpi i ordená. Danki pa traha e pelíkula akí pa nos.”​—Nicole, 8 aña.

• “Masha danki pa e vidio. E ta hasi mi kontentu, i e ta leuk. M’a gust’é.”​—Mckenzie, 5 aña.

• “Mi ta gusta e vidionan di Bira Amigu di Yehova. Mi ta wak nan tur dia. Hopi bon ku Yehova ta siña nos kon e ta mira sierto kosnan.”​—Ava, 8 aña.

• “Mi ta gusta wak e vidionan. Mi ta purba siña tur e kantikanan. E vidionan ta laga mi stima Yehova mas.”​—Devon, 4 aña.

• “Mi no por warda pa e siguiente vidio di Kalèb! Sigui ku e bon trabou!”​—Vance, 8 aña.