Nò, bo no ta obligá pa hasi esei. Tin miónes di hende ku ta studia Beibel ku nos i ku no a bira miembro di nos kongregashonnan. a E meta di e kurso di Beibel ta pa mustra bo kiko Beibel ta siña. Abo ta disidí kiko bo ta hasi ku e konosementu ku bo ta haña. Nos ta konsiente ku religion ta algu personal.​—Hosue 24:15.

Sí. Sin embargo, nos ta gusta usa e Tradukshon di Mundu Nobo di e Santu Skritura i lo duna bo unu grátis si bo ta deseá esei. Pero si bo ta preferá di usa bo propio Beibel tambe ta bon. Den kasi tur tradukshon di Beibel bo por siña tokante e speransa i salbashon.

• E motibu di mas importante ta nos amor pa Yehova Dios, kende ta deseá pa kristiannan papia ku otro hende di loke nan a siña. (Mateo 22:37, 38; 28:19, 20) Pa nos, no tin un onor mas grandi ku ser “kompañero di trabou di Dios” i yuda otronan haña sa kiko su Palabra ta siña.—1 Korintionan 3:6-9.

• Un otro motibu ta ku nos ta stima nos próhimo. (Mateo 22:39) Nos ta keda kontentu ora nos konta otro hende e kosnan bunita ku nos a siña.​—Echonan 20:35.