“A beluulchad el rokir a ngar eungel Ngikel Mekngit.”​—1 Johanes 5:19.

“A Ngelekel a Dios a mle duum . . . el mo melemall a urerel a Diabelong.”​—1 Johanes 3:8.

Bleketakl el omesodel a mondai er tia el beluulechad.​—Ocholt 12:12.

Uchul e ngsebeched el oumerang el kmo tia el beluulechad a mo mengodech el mo ungil.​—1 Johanes 2:17.

Chochoi, kesengil e ngar er ngii a edei el uchul:

• A omengederederel a Satan a mo diak. A Jehovah a mla tibir el mo merrob er a omengederederel a Satan. Ngtibir el mo “tomellii a Diabelong” e sumechokl aike el rokui el tellemall el leriruul a Satan.​—Hebru 2:14.

• A Dios a mla ngiltii a Jesus Kristus el mo mengedereder er a beluulechad. A Jesus a kmal klou a klekakerous er ngii me ngike el mekngit a blekerdelel el merreder er a beluulechad er chelechang. A Dios a milsaod er a kleking er a Jesus er a letibir el kmo: “Ng chubteterir a re mechitechut ma re mechebuul . . . Ngolsobel er tir er a ulecheracheb ma mekngit el bekeu el omeruul.”​—Psalm 72:13, 14.

• A Dios a diak el sebechel el omulak. A Biblia a bleketakl el melekoi el kmo: “Ma Dios me ng diak lomulak.” (Hebru 6:18) A Jehovah sel letibir el mo meruul a tekoi, e ngulterekokl el mo rullii. (Isaia 55:10, 11) “A merreder er tial beluulchad a mo moiis.”​—Johanes 12:31.