Ngkmal betok a rechad lousbech a kall me a blai. E a rekuk bebil a ousbech a omelatk el kirel a ngar medad el klebesei. Me a ngelsuid el mo er tirka el chad, ngmekera mo uchul a kengei me a klengeltengat er a Dios?

“Ngikel bekokuii el mor a chebuul chad a rullii a Dios el mo belsel, ma Dios a mo omtechei a sulel el kirel omerellel.”​—OSISECHAKL 19:17.

A Jesus a uluuchais er a cheldecheduch el kirel a chad el mlodechelakl er a remerechorech el mlo ocherur a kodall. (Lukas 10:29-37) A ta er a chad el dimlak lodengelii a milsang e ulemekerreu er ngii. Ngmirruul er tiang alta ngmle chad er a ngodech el beluu.

Ngika el bekokuii el chad a dimlak di lomkar a telemellel e lebsa ike el lousbech, e ngdirrek el kmal milengelaod e millisiich er ngii.

Me ngera kede suubii er tia el cheldecheduch? A Jesus a ulechotii el kmo ngkired el meruul aike el sebeched el ngosuterir tirke el lousbech a ngeso. (Osisechakl 14:31) A Chedaol Llechukl a olisechakl el kmo ngdi kmedung e a Dios a mo olekngemed a chelebuul me a ringel. Engdi kede locha mo melatk el kmo, a Dios ngmo meruul er tiang er oingerang? Me bo dosaod a klengeltengat el ngike el betik a rengul Ulemeob a mla kutmokl el kirem.